Kalt kartöflusalat með ólífum, fetaosti og beikoni
Bragðmikið og rustic kartöflusalat sem hentar jafnt með grillmat, í matarboð eða sem léttur kvöldverður. Best er að nota góðar kartöflur og extra virgin ólífuolíu – Já og ekki spara dillið.
— KARTÖFLUSALÖT — GRILLKJÖT — KARTÖFLUR — SALÖT —
.
Kalt kartöflusalat með ólífum, fetaosti og beikoni
1 kg kartöflur
Í salatið:
Góð ólífuolía, eftir smekk
10–12 grænar ólífur (t.d. fylltar með papriku)
10–12 svartar ólífur
1 rauðlaukur, skorinn í þunna strimla
Sólþurrkaðir tómatar, skornir í strimla
Fetaostur, eftir smekk
Smá olía af fetaostinum
Steikt beikonkurl
Ferskt dill
Sjóðið kartöflurnar í söltu vatni þar til þær eru mjúkar. Hellið vatninu af og kælið.
Flysjið kartöflurnar og skerið þær gróflega og setjið í stóra skál.
Bætið ólífuolíu saman við ásamt ólífum, rauðlauk, sólþurrkuðum tómötum, fetaosti og smá af olíunni af fetaostinum.
Setjið beikonkurl og ferskt dill út í.
Blandið öllu varlega saman með sleikju.
Þetta salat passar einstaklega vel með grilluðu kjöti, fiski eða sem hluti af tapas- eða sumarborði.
Fleira áhugavert:
— Ítölsk sítrónukaka — Dúllað svepparisottó hjá Hildigunni Einars — Daglegt lyftiduftsbrauð — Humarveisla Önnu Rósu — Frómas, bestu uppskriftirnar —Rabarbarasulta — Matur og gigtareinkenni — Steikt blómkál — Bláber eru holl, mjög holl —