Mangóterta – algjörlega mögnuð terta

Mangóterta mangó terta hrákaka hráfæði raw cake mango cake páskaterta páskatertur ísterta hálffrosin terta
Mangóterta. Hvers vegna ekki að prófa eitthvað nýtt og bera fram ljúffenga og frískandi mangótertu?

Mangóterta – létt og frískandi

Bjartur litur og ferskt bragð eru góð leið til að fagna vorinu og gefa veislunni ofurlítið suðrænan blæ. Ætli megi ekki tala um sólríkt bragð af þessari mangótertu, enda er hún vinsæl hjá öllum, sem eru hrifnir af ístertum. Þetta er hollur eftirréttur eða kaffimeðlæti sem ekki þarf að baka – gott að bera hana fram hálf frosna, má ekki vera harðfrosin og ekki þiðin. Ljúffeng og fersk mangóterta.

HRÁTERTURTERTURMANGÓHRÁFÆÐIPÁSKARPÁSKATERTUR

.

Mangóterta – létt og frískandi

Botn:

1 b kasjúhnetur (lagðar í bleyti í 10-15 mín)
1 b möndlur
1/2 b döðlur
1/4 tsk sjávarsalt.

Fylling:

2 stór þroskuð mangó, afhýdd og skorin í teninga
1 bolli kasjúhnetur (lagðar í bleyti í 10-15 mín)
3/4 bolli kókosrjómi
1/2 bolli kókosolía, brætt
1 msk hlynsíróp
Safi úr 1 sítrónu
1 tsk vanilla.

Botn: Hellið vatninu af kasjúhnetum og setjið þær í matvinnsluvél ásamt möndlum, döðlum og salti og maukið.
Þrýstið deiginu í botninn á springformi.
Setjið mangó í matvinnsluvél ásamt kasjúhnetum (hellið vatninu af þeim), kókosrjóma, kókosolíu, sírópi, sítrónusafa og vanillu. Maukið þar til verður slétt og rjómakennt.
Hellið fyllingunni yfir botninn og sléttið.
Kælið kökuna í nokkrar klukkustundir eða yfir nótt. Eða frystið hana og berið fram hálffrosna.

Ljúffeng og frískandi mangóterta – Njótið !

HRÁTERTURTERTURMANGÓHRÁFÆÐIPÁSKARPÁSKATERTUR

.

Auglýsing

Meira úr sama flokki

Saffran bláskel

Kræklingur

Saffran bláskel. Það myndast oft skemmtileg stemning í kræklingaveislum. Í veislu sem við vorum í var bláskelin borin fram með frönskum kartöflum (bátum) og alioli. Gott er að nota djúpa diska fyrir bláskelina. Þó þetta sé „fingramatur" þá er ágætt að leggja hníf og gaffal á borðið og skeið til að borða soðið með. Allra skemmtilegast er að borða bláskelina tómri skel sem er notðu eins og töng. Svo er gott að hafa lítinnn hliðardisk fyrir kartöflurnar og aliolið.