Ostakaka með saltkaramellu

 

Bökuð sítrónukaka Björk jónsdóttir bökka sítrónukaka bláber sítrónukaka bökuð sítrónukaka karamellusósa karamella
Bökuð ostasítrónukaka með saltkaramellu og bláberjum – falleg og ljúffeng

Ostakaka með saltkaramellu

Björk Jónsdóttir er afar flink í eldhúsinu og hefur margoft komið við sögu hér á síðunni, eins og sjá má HÉR. Í afmælisveislu um daginn mætti Björk með þessa fínu bökuðu sítrónuostaköku með saltkaramellusósu og með henni var þeyttur rjómi.

BJÖRK JÓNSDSÍTRÓNUKÖKURTERTURHAFRAKEX

🍋

 

Ostakaka með saltkaramellu

300 g Digestive hafrakex
3 msk sykur
125 g bráðið smjör

Fylling:
600 g hreinn rjómaostur
150 g sykur
2 tsk fínt rifinn sítrónubörkur
2 tsk vanilludropar eða vanillusykur
4 egg
½ dl sítrónusafi

Saltkaramellusósa:
150 g sykur
½ dl vatn
2 ½ dl rjómi
1 dl Maple síróp
30 g smjör
¾ tsk salt

200 g bláber – sett ofan á kökuna

Botninn:
Hrærið hafrakexið, sykur og smjör saman í mixer.
Fóðrið léttsmurt hringform (22 cm lausbotna form) með smjörpappír, gott að smyrja formið áður en smjörpappírinn er settur í formið (smjörpappírinn situr betur)
Setjið formið í ísskáp á meðan fyllingin er útbúin.

Fylling:
Hrærið rjómaostinn með sykri, sítrónuberki og vanillu.
Hrærið eggjunum eitt í einu út í blönduna með handþeytara.
Hrærið sítrónusafanum saman við.
Setjið fyllinguna ofan á kexbotninn og bakið kökuna í miðjum ofni við 160°C í ca 1 ½ klst.
Kælið kökuna og setjið í kæliskáp í 4 – 5 tíma eða yfir nótt.

Karamellusósa:
Setjið sykur og vatn í pott og sjóðið saman við meðalhita þar til sykurinn er bráðinn og nær gylltum lit. Passið að hræra ekki í blöndunni á meðan.
Takið pottinn af hellunni og hellið rjóma, maple sírópi, smjöri og salti út í pottinn. Setjið pottinn á helluna og sjóðið blönduna upp aftur og hrærið á meðan þar til þú færð jafna karamellusósu. Kælið sósuna.
Hellið hluta af karamellusósunni yfir kökuna og puntið með handfylli af bláberjum.

Berið fram restina af karamellusósunni með kökunni ásamt þeyttum rjóma.

Björk og sítrónukakan góða

🍋

BJÖRK JÓNSDSÍTRÓNUKÖKURTERTURHAFRAKEX

🍋

Auglýsing

Meira úr sama flokki

Súpur – fyrirlestur og dansæfing

Súpur - fyrirlestur og dansæfing. Þau eru mörg skemmtileg verkefnin og ólík. Á dögunum elduðum við súpur á Hallveigarstöðum fyrir formenn allra héraðssambanda Kvenfélagasambands Íslands. Á meðan ég hrærði í súpupottunum tók Bergþór nokkur dansspor sem hann er að læra fyrir keppnina Allir geta dansað, en keppnin byrjar 11. mars á Stöð 2. Eftir súpuna fengu konurnar sér kaffisopa og franska súkkulaðitertu með. Þá spjölluðum við Bergþór við þær um eitt og annað og í lokin var sungið saman.

Bláberjaterta – blátt áfram stórfín

blaberjaterta

Bláberjaterta. Bláber eru andoxunarrík, draga úr bólgum, eru fjörefnarík og bragðgóð - borðum mikið af bláberjum. Ef þið notið frosin ber í kökuna er ágætt að láta þau þiðna að mestu áður en þeim er blandað saman við með sleif.

Essensia – veitingahús

Essensia dscf3801 Essensia dscf3776 

Essensia - Veitingahúsið Essensia á Hverfisgötu stimplar sig strax hressilega inn í veitingahúsaflóru höfuðborgarinnar svo eftir er tekið. Faglega að öllu staðið og hinn ítalski sunnan blær staðarins er kærkomin viðbót í fjölbreyttri matarborg sem Reykjavík er. Klassískir suðrænir bragðgóðir réttir einkenna staðinn. Réttir sem gestir geta deilt og eru hvattir til að deila. Enn ein úrvalsrósin í hnappagat Hákons Más Örvarssonar.