Gerlaust brauð með fjallagrösum

Gerlaust brauð með fjallagrösum Gerlaust brauð fjallagrös matheill fjallagrasamjólk Fjallagrasabrauð
Gerlaust brauð með fjallagrösum. Í æsku minni var stundum fjallagrasasúpa á borðum, þó ég hafi talist mjög matheill heillaði ramma bragðið sem kom af fjallagrösunum við suðu mig ekkert sérstklega – en auðvitað borðaði ég súpuna, annað var ekki í boði. Núna myl ég fjallagrös og nota bæði í múslí og í brauðbakstur. Fjallagrösin verða ekki römm við bakstur. Fjallagrös hafa lengi þótt hin besta næring enda auðug af steinefnum og trefjum. Þetta brauð er bæði mjólkur- og sykurlaust.

Gerlaust brauð með fjallagrösum

Fjallagrös eru holl og góð, þau verða ekki römm í brauðinu eins og þau verða í fjallagrasasúpu. Nú ef þið eigið ekki fjallagrös sleppið þeim þá bara og bakið brauðið án þeirra.

 BRAUÐUPPSKRIFTIR — FJALLAGRÖS

.

Gerlaust brauð með fjallagrösum

300 g hveiti
200 g heilhveiti
1 dl sesamfræ
½ dl hörfræ
1 msk mulin fjallagrös
4 tsk lyftiduft
2 tsk salt
2 bollar sojamjólk
1 msk olía
2 msk kaffi

Hrærið öllu saman í skál og setjið í jólakökuform sem klætt hefur verið að innan með bökunarpappír og bakið við 160°C í um eina klukkustund.

.

 BRAUÐUPPSKRIFTIR — FJALLAGRÖS

— GERLAUST BRAUÐ MEÐ FJALLAGRÖSUM —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.