Hin fullkomna grillmarinering fyrir útileguna
Þórunn Sigurðardóttir birti á fasbókinni fullkomna aðferð við að marinera kjöt fyrir útlegu eða sumarbúastaðferð.
Góð marinering getur gjörbreytt grillrétti. Hún mýkir kjötið, gefur dýpri bragðtóna og hjálpar til við að halda safanum inni við eldun. Þessi marinering er einföld, bragðmikil og hentar jafnt með kjúklingi, lambakjöti, nautakjöti og grænmeti á grillið.
Best er að leyfa hráefninu að marinerast í nokkrar klukkustundir, eða yfir nótt ef tími gefst. Þá nær kryddið og olían að vinna vel saman og skila ríkulegu bragði.
Marineringin er líka frábær sem grunnur – þú getur auðveldlega bætt við ferskum kryddjurtum, chili, sítrus eða hunangi eftir því hvaða bragð þú vilt fá fram.
Marineringarlögur Þórunnar
Ég blanda saman góðri ólífuolíu, hindberjasafa og smávegis af portvíni. Síðan bæti ég út í vel af klipptu rósmaríni, steinselju og timíani ásamt lárviðarlaufum. Ég krydda með Wild Berry salti frá Urta Islandica, muldum rósapipar og einiberjum.
Með lambakjöti kýs ég yfirleitt að sleppa hvítlauknum og leyfa frekar sætari og mildari bragðtónum að njóta sín. Hvítlaukurinn passar hins vegar einstaklega vel í kartöflusalat sem er gott meðlæti með þessu.
Með lambinu er gott að bera fram kalda sósu, til dæmis frá Hamborgarafabrikkunni, smábragðbætt kartöflusalat og ferskt klettasalat.
Mikilvægast er þó að flýta sér ekki. Hvort sem lambahryggurinn er eldaður heill eða skorinn niður þarf hann góðan tíma — helst að minnsta kosti tvo tíma í ofni eða á grillinu — svo kjötið verði mjúkt og safaríkt.
Rétt áður en borið er fram finnst mér gott að strá örlitlu salti á fituröndina. Kjötið er svo ekki síður gott kalt daginn eftir.
Vessgú!
— GRILL — LAMBAKJÖT — FASBÓK — ÞÓRUNN SIGURÐARD —
Fleira áhugavert:
— Fíladelfía, matarborgin — Grafinn lax og graflaxsósa — Rabarbarasulta — Humarveisla Önnu Rósu — Forsetaísinn — Skúffukakan besta — Sítrónu linguine Nigellu — Múffur með eplum og haframjöli — Döðlukonfekt, gott, gott —