Grafin nautalund
Jólahlaðborðið vinsæla á Hótel Rangá verður í boði fjórar helgar og byrjar 21. nóvember. MEIRA HÉR.
Hótel Rangá hefur einstakt aðdráttarafl – þar sameinast hlýlegt og rómantískt andrúmsloft, falleg náttúra og stórkostlegar veitingar. Veitingasalurinn er glæsilegur og hlýlegur í senn, og það er eitthvað við birtuna, kertaljósin og útsýnið sem gerir upplifunina alveg sérstaka.
Yfirmatreiðslumaðurinn Péter Jóni tók hlýlega á móti mér og deildi með mér uppskrift að grafinni nautalund, sem verður einmitt á jólahlaðborði staðarins. Þetta er dásamlega bragðgóð og fáguð réttur sem fangar anda jólanna – einfaldur en lúxus í senn.
Það er svo sannarlega eitthvað töfrandi við Hótel Rangá á aðventunni – svooo fallegt og hlýlegt, allt smekklega framreitt og framúrskarandi í hverju smáatriði.
— HÓTEL RANGÁ — JÓLIN —
.
Grafin nautalund
1 kg af nautalund (það má vera annar hluti nautsins, okkur þykir best að nota lundina)
2 kg salt
2 kg sykur
100 g einiber
50 g heilar kardimommur
50 g kanill
20 g svartur pipar
10 g szechuan pipar
30 g stjörnuanis
15 g negull
10 g rósapipar
Kryddjurtum er blandað saman með blandara þar til fínt duft myndast. Salti og sykri bætt við, öllu blandað saman.
Hreinsið nautalundina.
Setjið nautið ásamt kryddblöndunni í nógu stórt ílát. Passið að kryddblandan nái yfir kjötið. Látið nautið liggja í kryddblöndunni í allavega tvo daga, hversu langan tíma það tekur fyrir nautið að taka í sig bragð af kryddunum fer eftir stærðina á kjötbitanum.
Gott er að snúa kjötinu í blöndunni á 12 tíma fresti.
Skafið mestu kryddblönduna af kjötinu. Skerið niður í þunnar sneiðar og berið fram með trufflumæjónesi og salati.
— HÓTEL RANGÁ — JÓLIN —
.
