Eyjólfskjúklingur. Ekki veit ég hvernig stendur á því að óperusöngvarar hafa botnlausan áhuga á mat og matargerð. Eyjólfur er eins og aðrir söngvarar, getur talað endalaust um góðan mat og hefur lítið fyrir því að galdra hann fram. Eyjólfur býr og starfar í Hollandi og unir þar hag sínum vel (ekki síst í eldhúsinu). Kjúklingurinn var soðinn lengi við lágan hita og lungnamjúkt kjötið rann af beinunum og næstum því bráðnaði í munni.
Eyjólfskjúklingur
1 kjúklingur
1 laukur
2 hvítlauksrif
2-3 msk góð olía
1/2 l matreiðslurjómi
1 dl vatn
grænmetiskraftur
2 dl pestó
1-2 msk hunang
1 grein ferskt rósmarín
salt og pipar
Bútið kjúklinginn niður og brúnið hann í olíunni, saxið lauk og hvítlauk og bætið saman við ásamt rjóma, vatni, grænmetiskrafti, pestói, hunangi, rósmaríni, salti og pipar
Sjóðið við vægan hita í um 40 mín.
