Himnesk ítölsk gúllassúpa og tiramísú

Himnesk ítölsk gúllassúpa og tiramísú

Sigrún Sveinsdóttir frænka mín bauð vinkonum sínum Margréti G. Einarsdóttur og Svanhildi Kaaber í afar góða gúllassúpu og tiramisu í eftirrétt. Við Sigrún unnum saman í mörg ár í Listaháskólanum. Hún grínast stundum með það að á fyrsta degi hafi ég fundið út skyldleika okkar en bæði erum við af Viðfjarðarættinni.

— SÚPUR — LISTAHÁSKÓLINN — SIGRÚN SVEINS — TIRAMISU — ÍTALÍA —

.

Himnesk gúllassúpa með smá ítölsku ívafi

1,6 kg smátt skorið nautag­úllas
2 msk smjör
5-6 lauk­ar, skorn­ir í tvennt og svo í sneiðar
2 paprikur, skornar í bita
3 tsk papriku­duft
3 tsk hvítlauksduft
3 tsk timí­an
2 dósir niðursoðnir tómatar
6 msk tóm­at­puré
3 msk hun­ang
2½ l vatn
5-6 ten­ing­ar nautakraft­ur
3 væn­ar bök­un­ar­kart­öfl­ur, skorn­ar í ten­inga
2 sætar kart­afla, skor­nar í ten­inga
4 dl rjómi
Salt og pip­ar eft­ir smekk og ögn af chil­idufti

Byrjið á að skera gúllasið í litla bita. Þerrið kjötið vel og kryddið með salti og pip­ar. Hitið stór­an pott við frem­ur háan hita og bræðið smjörið. Brúnið kjötið án þess að gegn­steikja það og setjið svo til hliðar.
Lækkið hit­ann og steikið lauk­inn í 10-15 mín­út­ur þannig að hann mýk­ist og breyti um lit. Paprikan steikt með. Bætið kjöt­inu aft­ur út í ásamt kryddinu og steikið aðeins áfram.
Setjið tóm­at­puré sam­an við ásamt krafti, tómöt­um, hun­angi og vatni og hleypið suðunni upp. Flysjið kart­öfl­urn­ar á meðan suðan er að koma upp og bætið þeim svo út í. Látið súp­una sjóða í 30 mín­út­ur. Lækkið þá hit­ann, bætið rjóm­an­um út í og smakkið til með salti og pip­ar.
Látið súp­una malla við væg­an hita und­ir loki í 2-4 tíma. Því leng­ur því betra. Berið fram með brauði, sýrðum rjóma og stein­selju.

Ofan á ef vill: Ferskt kóriander og sýrður rjómi – borið fram með snittubrauði og smjöri. Uppskriftin er fyrir 6-8 manns.

Tiramisúið hennar mömmu

300 g rjómaostur
3 egg
1 1/4 dl sykur
2 1/2 dl rjómi – þeyttur
3/4 dl Tia Maria líkjör
1 1/2 dl sterkt kaffi
2 pk. fingurkökur (Lady fingers)

Þeytið egg og sykur vel saman og bætið þeytta rjómanum út í. Hrærið rjómaosturinn mjúkan og blandið vel saman við.
Blandið líkjör og kaffi saman og dýfið fingurkökunum í vökvann. Kökunum og ostakreminu er síðan raðað þannig að þrjú lög eru af hvoru á víxl. Loks er kakói stráð yfir og kakan kæld í ískáp, helst yfir nótt.
Mjög góð og einföld útgáfa af þessum vinsæla eftirrétti.

.

— SÚPUR — LISTAHÁSKÓLINN — SIGRÚN SVEINS — TIRAMISU — ÍTALÍA —

— HIMNESK ÍTÖLSK GÚLLASSÚPA OG TIRAMISU —

.