Spergilkálssúpa Chloe
Bragðgóðar grænmetissúpur renna ljúflega niður og eru alltaf kærkomnar – ekki síst núna þegar haustlægðirnar koma eins og á færibandi. Þá eru súpur oftast þægilegar í matreiðslu og taka ekki svo langan tíma. Þessi súpa kemur frá Chloe Coscarelli (með aðstoð Google má kynnast henni betur)
.
— SPERGILKÁL — VEGAN — SÚPUR —
.
Spergilkálssúpa Chloe
2 msk kókosolía
1 laukur, saxaður
sjávarsalt
2 hvítlauksgeirar, saxaðir
2 b grænmetissoð
2 b möndlumjólk
1 vænn hnaus af spergilkáli, saxaður gróft
3/4 b næringarger (nutritional yeast)
2 tsk sítrónusafi
nýmalaður svartur pipar
Hitið olíuna í potti, léttsteikið lauk og hvítlauk bætið saltinu við. Látið saman við grænmetissoð, mjólk, og spergilkál. Látið sjóða í um 20 mín eða þangað til spergilkálið er soðið. Slökkvið undir og maukið. Bætið við næringargerinu, sítrónusafa og pipar.
.
.
Albert! Hvað er næringarger? Alltaf heyrir maður eitthvað nýtt 🙂
Af síðunni Máttur matarins.com:
Nutritional yeast, eða næringarger, er einstaklega hollt og sérstaklega ríkt af b-vítamínum. Það bragðast mjög svipað og parmesan ostur og hentar því vel í staðin fyrir ost í brauð, buff, pottrétti, salöt
og af Heilsubankinn.is
Næringarger er einnig ríkt af góðum amínósýrum og er auðugt af B-vítamínum, og því gott að bæta því við fæðuna.
Comments are closed.