Heitur karrýréttur í ofni
Það er nú einhvern veginn þannig að þjóðin borðaði yfir sig af aspas/skinku/brauð/ostaheitumréttumíofni fyrir nokkrum árum þegar þeir tröllriðu öllum veislum. Einn og einn réttur stendur þó upp úr – eins og þessi; sambland af skinku, aspas, rjóma og karrý gerir hann bæði mildan og bragðmikinn – og svo toppar osturinn allt saman. Fékk brauðréttinn góða í afmæli Carolu vinkonu minnar.
.
— CAROLA — HEITIR RÉTTIR — ASPAS — SKINKA — KARRÝ —
.
Heitur karrýréttur í ofni
2 bréf skinka (ca. 300–400 g)
2 dósir aspas (grænn) + smá af safanum
200–250 ml rjómi
3–5 msk majónes
1 poki rifinn ostur (mozzarella og maribo)
1–2 tsk karrý
½ tsk hvítlauksduft
salt og pipar eftir smekk
1 tsk taco krydd
4–6 brauðsneiðar
Hitið ofn í 180°C.
Skerið skinkuna í bita og setjið í pott.
Bætið aspas (og smá safanum), rjóma og majónesi saman við.
Kryddið með karrý, hvítlauksdufti, salti og pipar.
Hitið rólega og smakkið til (hér má alveg „sulla aðeins út í“ 😉).
Rífið brauð í eldfast mót.
Hellið blöndunni yfir brauðið.
Setjið ríflegan ost yfir.
Bakið í 20–30 mínútur þar til osturinn er gullinn og rétturinn kraumar.
Þetta er einn af þessum réttum sem er bæði einfaldur og alveg ómótstæðilegur – maður fær sér aftur á diskinn… og aftur.
.
Fleira áhugavert:
— Nautakjötssalat með límónu og engifersósu — Heill kjúklingur í ofni – safaríkur og með stökkri húð — Sítrónu linguine Nigellu — Brún lagkaka — Laufabrauð, eitt það allra besta –
Sæll, ég sá í Morgunblaðinu uppskrift af Heitur karríréttur í ofni. Mig langar svo að gera þennan rétt sem er mjög svipaður og mamma mín gerði þegar hún var með saumaklúbb í gamladaga. Ég á heima í Kanada og vantar að vita hvað mikið td. bréf af skinku og öll önnur mál í þessum rétt. Takk Dísa
Comments are closed.