Karmelluostakaka með oreobotni
Sóley sá um föstudagskaffið í vinnunni – ó ég elska föstudagskaffið…
— OSTATERTUR — TERTUR — SÓLEY BJÖRT— FÖSTUDAGSKAFFI — KARAMELLU… — LHI — OREO —
.
Karmelluostakaka með oreobotni
Botn:
20 Oreo kexkökur, krem fjarlægt
5 msk smjör, brætt
2 msk sykur
Ostakakan:
900 g rjómaostur, við stofuhita
220 g púðusykur
2 msk smjör, brætt
5 egg
2 tsk vanilludropar
Karmellusósa:
300 g sykur
60 ml vatn
1 tsk sítrónusafi
240 ml rjómi
Botn aðferð
Myljið oreokökurnar smátt niður. Blandið kökum, smjöri og sykri vel saman. Látið blönduna í olíusmurt form. Setjið álpappír yfir formið og bakið í 175°c heitum ofni í 15 mínútur. Kælið.
Ostakakan aðferð
Hrærið rjómaosti og sykri saman í hrærivél á miklum hraða þar til blandan er orðin létt og ljós. Bætið þvi næst smjöri saman við og síðan eggjum, einu í einu. Hrærið að lokum vanilludropunum út í. Hellið því næst blöndunni yfir botninn.
Bakið i ofni við 175°c hita í um 1 klukkustund og 15 mínútur. KæliÐ vel áður en hún er borin fram.
Karmellukrem aðferð
Látið sykur, vatn og sítrónusafa á pönnu við meðalhita þar til sykurinn hefur bráðnað. Látið þá blönduna sjóða án þess að hræra í henni þar til blandan fer að dökkna lítillega. Lækkið þá hitann og látið malla í um 8 mínútur. Bæti þá rjómanum varlega saman við og látið malla við meðalhita í nokkrar mínútur eða þar til karmellan hefur þykknað. Kælið lítillega og hellið síðan yfir ostakökuna.
— OSTATERTUR — TERTUR — KARAMELLA —
Sótt af síðunni: http://gulurraudurgraennogsalt.com/
— KARAMELLUOSTATERTA MEÐ OREOBOTNI —
.
