Auglýsing
Kúskússalat sítróna marokkó kjúklingabaunir kóríander MAROKKÓ marokkóskur matur kúskús
Kúskússalat frá Marokkó

Kúskússalat frá Marokkó

Einhverju sinni hitti ég mann frá Marokkó og við fórum að tala um mat sem tengist hans landi. Sá gaf frekar lítið fyrir kúskúsið sem fæst á vesturlöndum. Í Marokkó er soðið þrisvar (minnir mig) upp á kúskúsinu og einhverjar serímóníur í kringum það. Stærsti kryddmarkaður í heimi er í Marokkó og þeir nota kryddið óspart. Sólveig systir mín færði okkur poka með kryddblöndu þegar hún kom frá Marokkó og sú blanda er alltaf kölluð Marokkóska-kryddið hér á heimili – en þið sem ekki eigið samskonar poka notið kúmín og kanil 🙂

.

Auglýsing

KÚSKÚSMAROKKÓSALÖT

.

Kúskússalat frá Marokkó

200 g kúskús

sjóðandi vatn

börkur af einni sítrónu

safi úr 1/2 sítrónu

1/2 rauðlaukur, skorinn frekar gróft

1 ds kjúklingabaunir

1/2 rauð paprika, söxuð gróft

1 dl saxað kóríander

1 tsk grænmetiskrydd

1 tsk Marokkókrydd (eða 1/2 tsk kúmín og 1/2 tsk kanill)

salt og pipar

Setjið kúskús í skál og hellið fljótandi vatni yfir, hrærið í með gaffli í nokkrar mín. Eftir um 15 mínútur; bætið við sítrónuberki, sítrónusafa, rauðlauk, kjúklingabaunum, papriku og kryddi. Blandið vel saman og látið standa við stofuhita í um klst eða tvær.

Kuskus salat
Kúskússalat frá Marokkó

.

KÚSKÚSMAROKKÓSALÖT

.