Kókosbollusprengja

Kókosbollusprengja - Kókosbollur völu eftirréttur íris Tanja Hjalti Rúnar Alexander dantes Marsibil, Albert Sigurbjartur, Bjartur María Thelma Alexander leiklistarnemar kaffiboð aldís amah hamilton Alexander dantes erlendsson
Kókosbollusprengja

Kókosbollusprengja. Ef þið eruð í megrun eða í einhverju átaki getið þið hætt að lesa núna því þessi flokkast seint undir heilsu- eða megrunarrétti. Stundum er gaman að missa sig og gera það bara hressilega. Kolla elskulega frænka mín sem á Völu kókosbolluverksmiðjuna kemur reglulega með splunkunýjar bollur og þá eru fyrst borðaðar svona fimm í einu og síðan er ágætt að útbúa eina Kókosbollusprengju eða annað góðgæti.

 KÓKOSBOLLUUPPSKRIFTIR

Kókosbollusprengja

1 poki makkarónukökur

1 dl sterkt kaffi

1/2 dl sérrý

1/3 tsk salt

1/2 l rjómi

1 ds Grísk jógúrt

safi úr 1/2 sítrónu

1/2 tsk vanilla

8 kókosbollur

1 b frosin ber

1 b frosin bláber

tæplega einn bolli nammi (t.d. Daim, hrískúlur, Snickers)

Brjótið makkarónukökur í tvennt og setjið í skál. Blandið saman kaffi og sérrýi og hellið yfir. Setjið á botninn á t.d. eldföstu formi (sæmilega stóru) og stráið salti yfir.

Stífþeytið rjómann, bætið vanillu, jógúrt og sítrónusafa saman við og hrærið áfram. Bætið því næst kókosbollum, berjum (frosnum) og namminu og blandið saman með sleif. Setjið kókosbollunammirjómann yfir makkarónukökurnar. Skreytið með ávöxtum, íslenska fánanum eða öðru fallegu

Útskriftarnemendur Leiklistarbrautar Listaháskólans í árlegu útskriftarkaffi. Alexander, María Thelma, Aldís Amah, Íris Tanja, Albert, Marsibil, Hjalti Rúnar og Sigurbjartur Sturla.
Kókosbollusprengja - DSC02357
Kókosbollusprengja

 KÓKOSBOLLUUPPSKRIFTIR

KÓKOSBOLLUSPRENGJA

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.