Hótel Húsafell – þjóðlegur og alþjóðlegur veitingastaður í toppklassa

Hótel Húsafell husafell restaurent
Hótel Húsafell. Í senn þjóðlegur og alþjóðlegur veitingastaður í toppklassa, enda fær hann eina hæstu einkunn sem íslenskur staður fær á Trip Advisor.

 

Hótel Húsafell. Í senn þjóðlegur og alþjóðlegur veitingastaður í toppklassa, enda fær hann eina hæstu einkunn sem íslenskur staður fær á Trip Advisor.

— HÓTEL HÚSAFELL — ÍSLAND — VEITINGASTAÐIR

.

Það er liðin tíð að ferðamannastraumur á landsbyggðinni nái rétt yfir hásumarið. Núna hafa fjölmargir atvinnu allt árið af auknum straumi ferðamanna til landsins. Sem betur fer standa langflestir ferðaþjónustuaðilar sig einstaklega vel, svo vel að eftir því er tekið langt út fyrir landssteinana. Ábúendur á Húsafelli voru frumkvöðlar í ferðamennsku á Íslandi og stórhuga voru þau Sigrún og Kristleifur er þau snéru sér að ferðaiðnaðinum. Afkomendur þeirra eru ekki síður stórhuga, nýlegt hótel á Húsafelli ber þeim fagurt vitni. Þar er vandvirkni, metnaður og alúð í öllu stóru sem smáu. Stórfín, björt og vel útbúin herbergi og engu líkara en hótelið hafi staðið þarna langa lengi, svo vel fellur það inn í umhverfið.

Veitingasalurinn er bjartur, þar eru stórir gluggar, hátt til lofts og útsýnið er stórbrotið. Fjallasýnin engu lík með jöklana á aðra hönd og Hálsasveitina á hina. Það er ekki ofsögum sagt að útsýnið sé á við fagurt meistaramálverk.

Í notalegum veitingasalnum fengum við sex rétta sælkeraveislumáltíð sem hefði getað sómt sér á hvaða glæsiveitingastað heimsins. Fallegir og ólíkir matardiskar glöddu augað. Aðal atriðið og það sem toppar allt er maturinn. Sambland af alþjóðlegum veitingum en samt er svo stutt í íslenska tengingu.

Á Húsafelli er lipur þjónusta og þægileg. Glaðlegir þjónarnir snerust i kringum okkur og aðra gesti og létu öllum líða vel undir lágt stilltri íslenskri tónlist sem engin truflun var frá.

Hótel Húsafell
Lungamjúkt grafið ær-fillet

Lungamjúkt grafið ær-fillet með karamelíseruðum lauk og súrsúðum sinnepsfræjum var eins konar smakk í upphafi og lagði línurnar fyrir það sem á eftir kom.

 

Ceviche með kræklingi

Ceviche með kræklingi, lúðu, laxi og hörpuskel. Ceviche er orðið velþekkt á Íslandi, en það er sjávarfang sem hefur legið í sítruslegi, t.d. lime eða sítrónu, ættað frá S-Ameríku. Áferðin verður unaðslega mjúk, en ekki slepjuleg. Með þessu var borið fram saffran mæjónes og yuzu ískrap, sem gerði réttinn sprúðlandi ferskan.

 

Hótel Húsafell
Fiskisúpa með hörpuskel, bláskel og humri

Fiskisúpa með hörpuskel, bláskel og humri

Þá kom hreint út sagt himnesk fiskisúpa með hörpuskel, bláskel og humri. Með betri súpum og stökkt fennelið gaf henni ævintýralegan keim.

Nautacarpaccio með limegeli, vatnakarsa og avókadó-tartar var einstaklega mjúkt og bragðgott. (Við gleymdum að taka mynd af því)

Hótel Húsafell
Lambafillet og lambabógur með rauðrófum, rauðkáli, gulrófum og grænertumauki

Lambafillet og lambabógur með rauðrófum, rauðkáli, gulrófum og grænertumauki. Allt passlega eldað og grænmetið ekki ofsoðið, örlítið stökkt. Eins og þjónninn sagði: Það sem amma gerði, klikkar ekki, gamla góða sunnudagslærið með rauðrófum, rauðkáli og grænum baunum. Aðeins útfært á glaðlegan hátt.

 

Hótel Húsafell
Skyr með aðalbláberjum, hvítsúkkulaðikremi og brúnuðu súkkulaði. Þjóðlegur og afar góður eftirréttur

Hótel Húsafell. Í senn þjóðlegur og alþjóðlegur veitingastaður í toppklassa, enda fær hann eina hæstu einkunn sem íslenskur staður fær á Trip Advisor.

fallegt útsýni er úr veitingasalnum

 

Bláklukkur á Hótel Húsafelli Gott konfekt á Hótel Húsafelli

Texti: Albert Eiríksson albert.eiriksson (hjá) gmail.com

Auglýsing

Meira úr sama flokki

Kínóa með eggaldin, sveppum og spínati

Kínóa með eggaldin, sveppum og spínati. Eggaldin eru í miklu uppáhaldi hér um þessar mundir. Veit bara ekki hvernig þetta gæða-grænmeti gat farið framhjá mér svo árum skiptir. Svo er eggaldinið hollt ekki síður en kínóa. Fjólublái liturinn á myndinni kemur af grófu bláberjasalti . Einfaldur, góður og hollur réttur sem tekur ekki svo langan tíma að útbúa. Þetta getur bæði verið aðalréttur eða meðlæti.

Hvernig bragðast maturinn? Er ekki allt í lagi hjá ykkur?

 

Hvernig bragðast maturinn? Er ekki allt í lagi hjá ykkur? Sumum virðist hafa verið kennt að koma sí og æ að borðinu til að spyrja: „Hvernig bragðast maturinn?“ Það virkar stundum eins og lærð kurteisi, en það er aldrei þægilegt. Gestirnir láta vita ef eitthvað er að og gefa merki ef vantar aðstoð, en þá er auðvitað mikilvægt að sjá til hliðar og líka með hnakkanum þegar gestur gefur bendingu.

Guacamole, einfalt og fljótlegt

Guacamole er fljótlegt að útbúa og svo er það einfalt. Þá er það einstakla mjúkt og bragðgott og mætti kalla lárperumauk á íslensku. Ég útbú allltaf vel af guacamole og háma svo í mig restina. Avókadó er fullt af hollum fitum

Fríða súkkulaðikaffihús á Siglufirði

Fríða súkkulaðikaffihús á Siglufirði. Þegar Siglfirðingar eru annars vegar kemur manni ekkert á óvart lengur, þar lætur fólk verkin tala. Síðasta sumar opnaði Fríða Gylfadóttir þar súkkulaði- og kaffihús eftir að hafa sest á súkkulaðiskólabekk í Belgíu.