Tahini brúnkur, mjúkar og góðar
Í sex ára afmæli Ólafs kom amma Ásta með þessar mjúku og bragðgóðu tahini-brúnkur. Þær eru unaðslega súkkulaðiríkar, með mildum hnetukeim og góðri áferð frá ristuðum heslihnetum.
— ÓLAFUR — AFMÆLI — BROWNIES – SOLLA EIRÍKS —
.
Tahini brúnkur
1 krukka tahini, um 1 bolli
2 bollar kókospálmasykur
2/3 bolli möndlumjólk
2 msk kókosolía
2 tsk vanilla
2 1/2 bolli haframjöl, malað fínt í mjöl
3/4 bolli kakóduft
1 msk vínsteinslyftiduft
1/2 bolli ristaðar og saxaðar heslihnetur
Hrærið tahini, möndlumjólk, kókosolíu, kókospálmasykri og vanillu saman í hrærivél.
Blandið möluðu haframjöli, kakódufti og vínsteinslyftidufti saman í skál. Bætið þurrefnunum rólega út í hrærivélina á meðan hún gengur.
Bætið að lokum ristuðum heslihnetum varlega saman við deigið.
Klæðið form með bökunarpappír, til dæmis 24 x 29 cm form. Hitið ofninn í 175°C og bakið í um 20 mínútur.
Látið brúnkurnar kólna aðeins áður en þær eru skornar í bita.
Njótið!
Uppskriftin birtist á Mæðgurnar.is
Fleira spennandi:
— Grillveisla hjá Andra og Írisi – Quiche Lorraine – franska góða bakan – Hjónabandssæla – Vöfflur – klassísk uppskrift – Glæsilegt kaffiboð Jónu Matthildar – Vinkvennakaffi Alberts – Hjónabandssæla –