Móðir jörð – Vallanes á Héraði

Vallanes móðir jörð EGILSSTAÐIR HÉRAÐIÐ FLÓTSDALSHÉRAÐ Eymundur Magnússon Eygló
Albert með Vallaneshjónunum Eygló og Eymundi

Móðir jörð – Vallanes á Héraði

Miðja vegu milli Egilsstaða og Hallormsstaðar er Vallanes. Hjónin Eymundur og Eygló stunda þar lífræna framleiðslu undir vörumerkinu Móðir Jörð. Þau leggja stund á korn- og grænmetisræktun og framleiða tilbúnar hollustu- og sælkeravörur.

MÓÐIR JÖRÐGRÆNMETIÍSLENSKTEGILSSTAÐIR

.

Vallanes Móðir jörð
Hreinleiki er lykilatriði í ræktun hjá Vallaneshjónunum, hvorki er notast við tilbúinn áburð eða eiturefni og matvörurnar eru lausar við tilbúin hjálparefni, gervi- og litarefni.

 

Vallanes Móðir jörð
Asparhúsið á Vallanesi

Það er vel þess virði að koma við á Vallanesi, nýjasta húsið þar, Asparhúsið, í er byggt úr viði úr skógrækt staðarins. Í húsinu er verslun Móður Jarðar þar sem í boði eru ýmsar lífrænar mat- og heilsuvörur sem framleiddar eru á staðnum úr íslensku hráefni, sem og ferskt grænmeti. Þar er boðið uppá staðbundinn morgunverð úr íslensku byggi og létta grænmetisrétti í hádeginu úr fersku, íslensku og útiræktuðu grænmeti. Opið er mánudaga – föstudaga frá kl 9-18.00 frá apríl til október. Opið alla daga júní – ágúst.

Til að gefa örlitla mynd af úrvalinu eru helstu vöruflokkar þessir: Bygg og heilhveiti, hrökkbrauð, þurrefnablöndur (grunnur að uppskriftum til baksturs og morgunverðar), sultað grænmeti (chutney), sultur og ber, sýrt grænmeti (þ.m.t. súrkál), grænmetisréttir (frosin grænmetisbuff) og síðast en ekki síst ferskt grænmeti

Vallanes Móðir jörð
Hluti af hádegishlaðborðinu á Vallanesi

Úrvalið á hádegishlaðborðinu er mikið og hver rétturinn öðrum betri. Það er vel þess virði að renna við í Vallanesi og fá sér að borða.

Vallanesshjónabandssæla Vallanes Eymundur Hjónabandssæla
Vallanesshjónabandssæla

Hjónabandssæla með byggmjöli og súkkulaðiterta úr rauðrófum. Hvort tveggja hreinasta fyrirtak.

Vallanesshjónabandssæla

Byggflögur eru skemmtilegt hráefni í bakstur en þær má nota með sama hætti og hafra í nær alla matseld. Bygg hefur ákveðna bragðeiginleika og gefur hjónabandssælunni skemmtilega stökka áferð.

1 bolli byggflögur

1/2 bolli hveiti

1/2 bolli hrásykur (má líka nota púðursykur)

1/2 tsk matarsódi

1/2 tsk lyftiduft

100g smjör

1 lítið egg

Rabarbara og/eða bláberjasulta (eða önnur eða blanda af sultum eftir smekk)

Blandið öllu saman og þjappið ca 80% af deiginu vel í botn á nettu hringlaga formi. Smyrjið góðu lagi af sultu ofan á og myljið restina af deiginu yfir. Bakið við 180 g í 20-25 mínútur. Verði ykkur að góðu !

Vallanes Móðir jörð
Vallanes

Líklega er Vallanes fyrsti staður á Austurlandi hvar garðyrkja hófst en seint á 18. öld eru 20 matjurtagarðar á Íslandi og einn þeirra sagður í Vallanesi. Talið er að kartöflurækt á Austurlandi hafi auk þess hafist einmitt í Vallanesi.

Vallanes – Móðir jörð

Í Vallanesi er boðið uppá ýmsa matarupplifun og þjónustu við ferðamenn yfir sumarmánuðina. Boðið er uppá fjölbreytt form heimsókna fyrir hópa og hægt að sníða heimsóknir eftir þörfum og stærð hópsins. Í Vallanesi er opið svæði með aðstöðu til að njóta skógarins á göngustígnum Ormurinn og er svæðið opið almenningi.

Vallanes Móðir jörð aspahúsið Vallanes Móðir jörð

Vallanes Móðir jörð grænt te Vallanes Móðir jörð Vallanes Móðir jörð

Eymundi veitt viðurkenning við Matarvísindaháskólann í Pollenzo á Ítalíu (University of Gastronomic Sciences – UNIGS).

Nýverið var Eymundi veitt viðurkenning við Matarvísindaháskólann í Pollenzo á Ítalíu (University of Gastronomic Sciences – UNIGS). Viðurkenninguna hlýtur hann fyrir það framtak að hafa plantað skógi og skjólbeltum og þannig skapað skilyrði til lífrænnar ræktunar í sínu heimalandi. Eymundur er einn af þremur einstaklingum sem fær þessa viðurkenningu í ár fyrir að hafa með vinnu sinni stuðlað að aukinni sjálfbærni í landbúnaði, verndun umhverfis og líffræðilegri fjölbreytni.

MÓÐIR JÖRÐGRÆNMETIÍSLENSKTEGILSSTAÐIR

.

Auglýsing

Meira úr sama flokki

Matarsódi

Matarsódi

Matarsódi: „Mikið rétt ég hef góða reynslu á magavandamálum og brjóstsviða og þar kemur matarsódin sér vel að gagni bara passa að setja helst ekki meira en eina teskeið í meðalstórt glas af vatni"

Hótel Húsafell – þjóðlegur og alþjóðlegur veitingastaður í toppklassa

Hótel Húsafell Hótel Húsafell

Hótel Húsafell. Í senn þjóðlegur og alþjóðlegur veitingastaður í toppklassa, enda fær hann eina hæstu einkunn sem íslenskur staður fær á Trip Advisor.  Í notalegum veitingasalnum fengum við sex rétta sælkeraveislumáltíð sem hefði getað sómt sér á hvaða glæsiveitingastað heimsins. Fallegir og ólíkir matardiskar glöddu augað. Aðal atriðið og það sem toppar allt er maturinn. Sambland af alþjóðlegum veitingum en samt er svo stutt í íslenska tengingu.

Brussel vöfflur – brjálæðislega góðar

Brussel vöfflur. Dags daglega er talað um belgískar vöfflur. Í Brussel í vor komumst við að því að mikill munur er á vöfflum í þeirri frægu vöffluborg eftir því hvar þær eru keyptar og hvernig deigið er. Tvær best þekktu vöfflutegundirnar í Belgíu eru ólíkar. Annars vegar er um að ræða Brussel vöfflur og Liege vöfflur. Liege vöfflurnar eru óreglulegar og oft með perlusykri. Deigið er einnig gjörólíkt. Í Brusselvöflurnar er notað bæði lyftiduft og þurrger. Þá gerir sódavatnið þær stökkar. Kannski ekki verra að taka fram að Liege vöfflurnar eru meira street food og hinar kaffihúsa vöfflur.

SaveSaveSaveSave

SaveSave

Rækjufrauð

Rækjufrauð

Rækjufrauð

Fermingarveislur eru jafn fjölbreyttar og þær eru margar. Sumir eru uppteknir af því að hafa sem flestar tegundir og telja með því að veislan verði glæsilegri. Öllu ánægjulegra er að smakka fáar tegundir og góðar. Oft gengur fólki illa að áætla magn fyrir hvern gest, hver kannast t.d. ekki við að hafa séð á Facebókinni að afgangarnir hafi verið svo miklir að auðvelt væri að slá upp annarri veislu.