Fiskhlaðborð í Englendingavík
Fyrr á þessu ári opnaði Margrét Rósa Einarsdóttir, sem margir þekkja að góðu frá Iðnóárum hennar, veitingastaðinn Englendingavík í Borgarnesi. Við brugðum okkur í bíltúr og fengum okkur af fiskihlaðborðinu, sem er í boði öll kvöld, og vorum alsæl.
Umhverfið er einstakt, húsið stendur í fjörunni og þeim megin er stór pallur með dúkuðum borðum. Inni í húsinu á hver staður sinn hlut og öllu smekklega fyrirkomið. Margrét gæðir andrúmsloftið töfrum með kvenlegu og frumlegu innsæi. Hvarvetna er eitthvað fyrir augað, tepottar, smáhlutir, skíði, boxhanskar, tölur o.s.frv., að ógleymdum blómum og kertum, svo að úr verður sérlega hlýlegt veitingahús með einstöku útsýni, þægilegri þjónustu og afar góðum mat.
— FISKUR – VEITINGA- OG KAFFIHÚS — BORGARNES — MARGRÉT RÓSA —
.
— FISKUR – VEITINGA- OG KAFFIHÚS — BORGARNES — MARGRÉT RÓSA —
.
