Eplakaka Steinunnar
Þessi eplakaka er ein af þessum uppskriftum sem maður gleymir aldrei. Hún kemur frá Steinunni og hefur fylgt okkur lengi – einföld, heimilisleg og alltaf jafn góð.
Það er eitthvað sérstaklega notalegt við ilminn sem fyllir eldhúsið þegar eplakaka er í ofninum. Sæt epli, smá kanill og stökkur toppur sem verður gullinn og freistandi – þetta er alvöru „comfort food“.
Það besta við þessa köku er hvað hún er einföld. Engin flækja, bara hráefni sem flestir eiga til og útkoman er kaka sem slær alltaf í gegn. Hún er líka fullkomin þegar gesti ber óvænt að garði.
Berið kökuna fram volga, með þeyttum rjóma eða jafnvel smá vanilluís ef þið viljið gera extra vel við ykkur.
— EPLAKÖKUR — STEINUNN — VINKVENNAKAFFI —
.
Eplakaka Steinunnar
3 epli, sneidd í litla bita, sett í eldfast fat, (24×24 cm)
ca150 g marsipan sneitt og lagt yfir eplin
100 g suðusúkkulaði saxað og sett yfir.
150 gr smjör,
150 gr hveiti og 100 gr sykur hrært saman og deigið svo mullið yfir eplin.
Bakað við 175°C í um 45 mín.
Það má breyta till og setja mintsúkkulaði eða hnetur eða bara það sem manni dettur í hug að setja yfir eplin.
.
.
— EPLAKÖKUR — STEINUNN — VINKVENNAKAFFI —
.