Rösti grænmetisvefja með skinku og smurosti, hún er með öllu glútenlaus og afar bragðgóð eins og annað sem kemur frá Kjartani Erni
Rösti grænmetisvefja með skinku og smurosti
3 kartöflur
3 gulrætur
1 laukur
1 dl saxaður graslaukur
2 egg
1/2 bolli rifinn ostur
Provancekrydd eða timian
salt og pipar
Fylling:
200 g Philadelphia kryddsmurostur
2 msk hreint skyr
200 g skinka
1 dl rifinn ostur
Rífið kartöflur, gulrætur og lauk. Brjótið egg í skál og bætið kryddum saman við. Hellið yfir grænmetið og bætið rifan ostinum við.
Blandið vel saman. Leggið bökunarpappír í ofnskúffu og dreifið blöndunni þar á og jafnið.
Bakið við 185°C í 30 mínútur
Takið úr ofninum. Blandið saman smurosti og skyri og smyrjið yfir. Leggið skinkuna á og rúllið upp.
Stráið rifnum osti yfir og bakið í 10 mín við háan(210°C) hita eða á grill.
