Ávextir og súkkulaði í marengsrjóma
Einfaldur og ljúffengur eftirréttur með marengs, vanilluskyr-rjóma, ferskum ávöxtum og súkkulaði. Góður þegar löngunin í eitthvað sætt kallar, hvort sem er eftir góða máltíð eða með kaffinu.
Jóna Kristín Þorvaldsdóttir kom með þessa dásemd á æfingu á Seyðisfirði eitt sumarið og vakti hún mikla lukku.
Auglýsing
Þeytið rjómann og hrærið vanilluskyrinu og fræjum úr einni vanillustöng saman við. Brjótið marengsinn í fremur grófa bita og blandið honum varlega saman við ásamt ferskum perum í bitum. Saxið Mars-súkkulaði og bætið út í.
Setjið blönduna í fallegt form eða skál og skreytið með bláberjum og jarðarberjum.
– JÓNA KRISTÍN – MARENGS – SKYR – SEYÐISFJÖRÐUR –
.