Fiskréttur Völu Thoroddsen

Árið 1981 kom út bókin Eftirlætisrétturinn minn. Þar gefa þjóðþekktir Íslendingar uppskriftir að sínum eftirlætis réttum. Ein þeirra er Vala Thoroddsen: „Besti matur, sem ég fæ, er annaðhvort vel steikt lambalæri eða hryggur. En á Íslandi fæst betri og ferskari fiskur, en víðast annars staðar. Óteljandi aðferðir eru til að matreiða fiskinn, og hér kemur ein, sem mér finnst mjög góð”

🐟

— FISKUR Í OFNI — RÆKUR — FISKRÉTTIR — LAMBAHRYGGUR — EFTIRLÆTISRÉTTURINN MINN — BESSASTAÐIR — RASP —

🐟

Fiskréttur Völu Thoroddsen

Niðurskorin ýsuflök. Roðflett ýsuflak (meðalstórt) er skorið niður í hæfilega stóra bita og salti stráð yfir. Þremur matskeiðum af bræddu smjöri, einni eggjarauðu og örlitlu af pipar er hrært saman og fiskurinn smurður með því. Tveimur matskeiðum af raspi og þremur matskeiðum af rifnum osti er blandað saman, fiskinum velt upp úr því og síðan raðað í eldfast fat.
Dálitlu smjöri er bætt í. Fatið er síðan sett í ofn (225-250°C) í um það bil fimmtán mínútur. Þá er einum pela af rjóma ásamt söxuðu dilli eða steinselju hellt yfir fiskinn.
Gott er að setja rækjur eða niðurskorna tómata yfir fatið. Látið aftur í ofnin í um það bil tíu mínútur.
Með réttinum skal bera fram soðnar kartöflur eða hrísgrjón.