Fiskréttur Völu Thoroddsen
Fiskréttur Völu Thoroddsen er sannkallaður klassískur íslenskur ofnréttur sem hefur verið í miklu uppáhaldi hjá okkur árum saman. Þetta er einfaldur og gómsætur fiskréttur með ýsu, rjóma, osti og ferskum kryddjurtum sem hentar jafnt fyrir hversdagskvöldverð og þegar gesti ber að garði. Stundum bætum við bæði rækjum og hörpuskel yfir réttinn í lok eldunar sem gerir hann enn hátíðlegri.
Árið 1981 kom út bókin Eftirlætisrétturinn minn, þar sem þjóðþekktir Íslendingar deildu sínum uppáhaldsréttum. Þar birtist þessi uppskrift frá Vala Thoroddsen sem sagði:
„Besti matur, sem ég fæ, er annaðhvort vel steikt lambalæri eða hryggur. En á Íslandi fæst betri og ferskari fiskur en víðast annars staðar. Óteljandi aðferðir eru til að matreiða fiskinn og hér kemur ein sem mér finnst mjög góð.“
🐟
— FISKUR Í OFNI — RÆKUR — FISKRÉTTIR — LAMBAHRYGGUR — EFTIRLÆTISRÉTTURINN MINN — BESSASTAÐIR — RASP —
🐟
Fiskréttur Völu Thoroddsen
1 meðalstórt roðflett ýsuflak
salt
3 msk brætt smjör
1 eggjarauða
pipar
2 msk rasp
3 msk rifinn ostur
smjör til að setja í formið
1 peli rjómi
dill eða steinselja, söxuð
rækjur eða tómatar eftir smekk
Skerið ýsuna í hæfilega stóra bita og stráið salti yfir.
Hrærið saman bræddu smjöri, eggjarauðu og örlitlum pipar.
Smyrjið fiskinn með blöndunni.
Blandið saman raspi og rifnum osti og veltið fiskinum upp úr blöndunni.
Raðið fiskinum í smurt eldfast mót og setjið smá smjör yfir.
Bakið við 225–250°C í um 15 mínútur.
Hellið rjómanum yfir og bætið við söxuðu dilli eða steinselju.
Dreifið rækjum eða tómötum yfir ef vill.
Bakið áfram í um 10 mínútur eða þar til fiskurinn er fulleldaður.
Berið fram með soðnum kartöflum, hrísgrjónum eða góðu fersku salati.
🐟
Fleira spennandi:
— Nautakjötssalat með límónu og engifersósu — Heill kjúklingur í ofni – safaríkur og með stökkri húð — Steikt blómkál — Brauðsúpa, gamaldags og góð — BEINÞYNNING og mjólk – Hvað er kurteisi? — Snúðakakan góða – Kryddbrauð mömmu – Ostahorn, best nýbökuð —