Döðluterta með marengseplarjóma og piparmintusúkkulaði

Páskatertan í ár er alveg ótrúlega góð, mjúkur döðlubotninn og epla/marengsrjóminn sem gæti staðið einn og sér sem eftirréttur með piparmintusúkkulaðinu. Það þarf ekkert að kæla tertuna eftir að hún hefur verið sett saman. Gott að hafa marengsinn svolítið stökkann.

— PÁSKATERTUR — PÁSKAR — TERTUR — DÖÐLUTERTUR –

Döðluterta með marengseplarjóma og piparmintusúkkulaði

Döðlubotn:

1 bolli döðlur
3 msk matarolía
ca 1,5 dl vatn
2 msk. hveiti
tæpur bolli kókosmjöl
100 g dökkt súkkulaði, saxað gróft
2 egg
2/3 tsk salt
smá chili
1 tsk lyftiduft

Saxið döðlur frekar gróft og setjið í skál með olíu og vatni og látið standa í um 20 mín. Bætið öllum hráefnunum saman við og hrærið saman, þynnið með vatni eins og þarf. Bakið við 175°C í 20 – 25 mín.

Púðursykurmarengs:
4 eggjahvítur
1 b púðursykur
1 tsk edik
Stífþeytið eggjahvítur og sykur, bætið ediki við í restina. Setjið á bökunarpappír og bakið við 110° C í 2 klukkutíma. Látið kólna.

Ofan á:
1/2 l rjómi
2 gul epli
safi úr 1/2 sítrónu
Stífþeytið rjómann, saxið eplin smátt og kreystið sítrónusafa yfir. Blandið saman við rjómann. Brjótið marengsinn og blandið honum saman við. Setjið á döðlubotninn

Ofaná tertuna:
100 g piparmintusúkkulaði + 1 msk olía
Bræðið í vatnsbaði og látið leka yfir kökuna.