Ævintýraleg sigling með Icelagoon á Jökulsárlóni
Oft hefur maður stoppað við Jökulsárlón og misst andardrátt eða tvo yfir hrikalegri fegurðinni sem er aldrei eins frá morgni til kvölds. En nú prófuðum við að fara með Icelagoon.is – Jökulsárlón.is í Zodiac spíttbát um lónið og það er margföld upplifun! Okkur hafði alltaf fundist þetta svolítið túristalegt, en þeir fordómar hurfu út í buskann. Að átta sig á umfanginu, – lónið er30 ferkílómetrar, – hitta spaka seli með saklausu, forvitnu augn sín, sem liggja í sólbaði uppi á smærri jökum, komast alveg upp að jöklinum, hlusta á kyrrðina og pínulítið brak í jöklinum af og til, þetta er stórkostlegt!
—ICELAGOON.IS — HORNAFJÖRÐUR — FERÐAST UM ÍSLAND —
.
Skrýtið, við tímum oft ekki að kaupa okkur ferðaþjónustu á Íslandi fyrir örfáa þúsundkalla, en förum svo til útlanda, bíðum kannski í endalausri röð til að kaupa dagspassa í Disneyland eða eitthvað á kannski 15,000 kall. Öfugsnúið?
Óli, leiðsögumaðurinn okkar og spíttbátsstjóri var lifandi og var með allar staðreyndir á hreinu. Eitt af því sem kom á óvart var að fyrir 100 árum náði jökullinn þangað sem brúin er núna, en hefur hopað um u.þ.b. 8 km. Umhugsunarefni. En það var líka grínast og öllum spurningum svaraði Óli liðlega.
Segi nú bara, drífið ykkur meðan ferðamennirnir eru heima hjá sér. Þetta er geggjuð upplifun.
