After eight – matarklúbburinn eftirminnilegi

Matarklúbburinn After Eight. Birkir Örn Stefánsson María Aldís Sverrisdóttir, Jón Ísleifsson Hildur Halldórsdóttir, Auðunn Níelsson Heiða Berglind Fannarsdóttir, Ýr Árnadóttir og Vilmundur Árnason bernaise rauðvínssósa grilluð nautasteik naut steik sætar kartöflur bakaðar súkkulaðibúðingur hollur fljótelgur humar -- VEISLUR -- MATARKLÚBBAR -- AKUREYRI -- NAUTAKJÖT -- HUMAR -- Veislur hjá alberti og bergþóri matarboð
Matarklúbburinn After Eight. Birkir Örn Stefánsson María Aldís Sverrisdóttir, Jón Ísleifsson Hildur Halldórsdóttir, Auðunn Níelsson Heiða Berglind Fannarsdóttir, Ýr Árnadóttir og Vilmundur Árnason

After eight – matarklúbburinn eftirminnilegi

Einhver fjálslegasti matarklúbbur sem ég hef hitt varð til þegar Villi forsprakki smalaði saman nokkrum vinahjónum og þau komu í matarveislu til okkar Bergþórs. Í Akureyrarferðinni um daginn borðuðum við með þeim og það var hlegið út í eitt.

A&B VEISLURMATARKLÚBBARAKUREYRINAUTAKJÖTHUMARVEISLUR

.

Fjörlegir matarklúbbsmeðlimir
Humar í hvítvínsrjómasósu

Humar í hvítvínsrjómasósu

1 kg humar
4 dl rjómi
2 dl hvítvín, þurrt
1 paprika, rauð eða gul
1 box sveppir
50 gr smjör
Hvítlaukur
Graslaukur
Rifinn börkur af einu lime
Safi úr einu lime
Grænmetis- eða fiskikraftur
Salt og pipar
Kóríander eða steinselja
Snittubrauð

Sveppir sneiddir og látnir malla í smjörinu á pönnu ásamt hvítlauknum í ca. 10 mín, þá er hitinn hækkaður, hvítvíninu bætt við og látið sjóða niður. Papriku og rjóma bætt við og suðan látin koma upp, þá er hitinn lækkaður aftur og sósunni leyft að malla á vægum hita. Rjómasósan smökkuð til og krydduð eftir smekk með salti, pipar og krafti. Sósan látin malla áfram á vægum hita og þykkna á pönnunni. Humrinum bætt við 3-5 mínútum áður en rétturinn er borinn fram.
Snittubrauðin skorin þunn, humarinn settur yfir og skreytt með kóríander eða steinselju.
Ef sósan er þunn er ráðlagt að leyfa henni að malla aðeins lengur eða bæta við hana sósujafnara.

.

Nautalund Elli special

Nautalund Elli special

Elli vinur minn bauð mér að borða með sér í útilegu. Hann er smekkmaður mikill á mat og vín og þegar Elli fer í útilegu þá er grilluð lund.
Svona finnst mér lundin best.

Snyrt og skorin til í 120-150 gr stykki.
Sett í skál og hella yfir Caj P olíu.
Grilluð á funheitu grilli.
Síðan eru bitarnir penslaðir með smjöri og svo fá þeir yfir sig salt og pipar.

.

Rauðvínssósa

Rauðvínssósa

6 stk skallottlaukar
3 rif hvítlaukur
1 gulrót
1 grein rósmarín
500 ml kjötsoð
Hálf flaska gott rauðvín
1dl balsamedik
Salt og pipar
Smjör

Skera og steikja upp úr smjöri þangað til þeir mýkjast.
Edik fer svo næst á pönnuna og þetta þarf að sjóða niður þangað til það er nánast búið.
Þá ætti maður að vera hálfnaður með flöskuna og þá passar að setja restina úr henni á pönnuna. Þetta skal svo látið malla á vægum hita þar til eftir er ¼ ⅓ er eftir.
Þá er þetta sett í gegnum sigti og aftur í pottinn.
Þá fer soðið saman við og svo kalt smjör 20-30 gr hrært saman við í lokin.

Bernaisesósa

4 eggjarauður
200 gr smjör
1 msk essence
1 msk estragon
Salt og pipar

Þessa geri ég fyrir fjóra. Miða við eina rauðu á mann.
Hvíldin sem kjötið þarf eftir grillun er nokkurn veginn sá tími sem
það tekur mann að gera bernaise.

.

Sætar kartöflur

Sætar kartöflur

Það þarf hálfa á mann.

1 dós philadelphia smurostur með graslauk
1 dós sýrður rjómi
Graslaukur
Rifinn cheddar ostur
Salt og pipar

Kartöflur skornar í tvennt eftir endilöngu
Lagðar á plötu og bakaðar í ofni á 180.
Þegar þær eru tilbúnar er tekið innan úr þeim og sett í skál en skilja svolítið eftir samt, ekki fara alveg inn að hýðinu. Svo er stappað saman við þetta sýrðum rjóma, rjómaosti, salt og pipar og svo er stappan sett aftur í kartöflurnar. Rifinn cheddar settur yfir eftir smekk og svo smátt saxaður graslaukur. Þá fara þær aftur í ofninn í 8-10 mín.

.

Ferskt salat

Ferskt salat

Grænmeti eftir smekk
Kál
Paprika
Kirsuberjatómatar
Gúrka
Báber
Salat borðar maður með augunum svo að litavalið er ekki minna atriði en hvað annað í því. Ristaðar furuhnetur dreyft yfir.

.

Fagmaður sá um að velja vínin með matnum: FREYÐIVÍNIÐHVÍTVÍNIÐRAUÐVÍNIÐ
Súkkulaðibúðingur fyrir tvo

Súkkulaðibúðingur fyrir tvo

1 dós kókosmjólk úr kæli
6-8 döðlur
1 msk sýróp (má sleppa)
2.5 msk kakó

Taka rjómann ofan af í dósinni og setjið hann ásamt öllu hinu í matvinnsluvél og vinnið vel saman.
Sett í skál með ferskum berjum og þeyttum rjóma.

A&B VEISLURMATARKLÚBBARAKUREYRINAUTAKJÖTHUMARVEISLURBRAUÐTERTUR

AFTER EIGHT MATARKLÚBBUR

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.