Súkkulaðiterta með Baileys/Kahlúakremi.
Guðrún Sigríður Matthíasdóttir er móttökuritari hjá Háskólasetri Vestfjarða á Ísafirði. Hún er fræg fyrir matseld og bakstur og galdrar fram kaffimeðlæti með bros á vör. Gunna Sigga tók vel í að baka tertu fyrir bloggið, en þegar við komum til hennar var hún búin að útbúa hlaðborð af fallega fram bornum veitingum. Allt bragðaðist undur vel. Gunna Sigga er nefnilega ein af þessum matmæðrum sem hafa einhvern x-factor í fingrunum sem gerir allt sem þær búa til svo lystugt.
.
— SÚKKULAÐITERTUR — BAILEYS — KAHLÚA — PÖNNUKÖKUR — ÍSAFJÖRÐUR —
.
Súkkulaðiterta með Baileys/Kahlúakremi
Botnar
250 gr hveiti
250 gr sykur
125 gr brætt smjörlíki
100 ml Súrmjólk/AB mjólk
1/2 tsk salt
1 tsk lyftiduft
1 tsk matarsódi
1,5 tsk vanilludropar
4 msk kakó
3 egg
Hrærið öllum hráefnunum saman og bakið tvo botna á 160°C í 25-30 mín. ATH! Uppskriftin er fyrir 2 botna en það er bara notaður annar botninn.
Kremið.
4 eggjarauður
1 og ½ dl. flórsykur
20 makkarónukökur brotnar í kremið / hellið aukavíni yfir kökurnar
2 matarlímsblöð
¼ líter rjómi þeyttur
½ dl. Baileys/Kahlúa í kremið.
Stingið hvítum marensbrotum og makkarónukökum niður í kökuna. Hellið súkkulaðisírópi eða súkkulaðisósu yfir (ekki of mikið).
Pönnukökur
3 dl. hveiti
2 msk sykur
½ tsk lyftiduft
¼ tsk salt
5 dl. mjólk
1-2 egg
2 msk olía eða smjörlíki
1-2 tes. vanilludropar/sítrónudropar.
Hrærið vel saman þurrefnum og mjólk saman og síðan egg, olía og dropar. Bakið pönnukökurnar.
.
— SÚKKULAÐITERTUR — BAILEYS — KAHLÚA — PÖNNUKÖKUR — ÍSAFJÖRÐUR —
— SÚKKULAÐITERTA MEÐ BAILYS/KAHLÚAKREMI —
.
