Gulrótaterta

Gulrótaterta

Það er fátt sem slær við vænni sneið af gulrótartertu. Hún er heimilisleg, mjúk og alltaf jafn notaleg – alveg sama hvort hún er borin fram með kaffibolla síðdegis eða sem eftirréttur.
Ég hef áður nefnt að oft megi draga aðeins úr sykri í tertum án þess að fórna bragðinu – og hér er það sannarlega raunin. Ég minnkaði sykurmagnið bæði í kökunni og í kreminu, og svei mér þá ef útkoman verður ekki bara enn betri.

Eitt skal þó aldrei spara: kanilinn. Hafið teskeiðarnar vel fullar, takk fyrir 😄

— GULRÓTAKÖKUR — ANANAS — GULRÆTUR —

.

Gulrótaterta

1 bolli hveiti
1/2 bolli heilhveiti
1/2 bolli sykur
1 tsk matarsódi
2 tsk kanill
1/2 tsk múskat
1 tsk lyftiduft
3/4 bolli góð matarolía
1 bolli rifnar gulrætur
2 egg
1/2 tsk salt
1 lítil dós ananaskurl (látið safann renna vel af).

Hitið ofninn í 170°C.
Blandið öllum þurrefnunum saman í skál. Í annarri skál eru egg og sykur þeytt vel saman þar til blandan er ljós og létt.
Bætið þurrefnunum út í eggjablönduna og hrærið varlega saman. Hellið þá matarolíunni út í og blandið vel. Að lokum eru rifnar gulrætur og ananaskurl sett út í og öllu blandað saman þar til jafnt er.
Hellið deiginu í smurt form og bakið í um 40 mínútur, eða þar til prjónn sem stungið er í miðjuna kemur hreinn út.

Krem
150 g rjómaostur
1 msk mjúkt smjör
1/2 tsk vanilludropar
3/4 bolli flórsykur
1/3 tsk salt

Þeytið allt saman þar til kremið er mjúkt og slétt. Smyrjið því yfir kælda kökuna – ríkulega, ef ykkur er annt um ykkur sjálf 😌

Fleira áhugavert:

–  Matarborgir  –  Epli  –  Pasta  – Klúbbaréttir  –  Miðjarðarhafið  – Appelsínur  –