Appelsínukaka (Bolo de Laranja)

Appelsínukaka (Bolo de Laranja) appelsínuterta lissabon portúgal
Appelsínukaka (Bolo de Laranja)

Appelsínukaka (Bolo de Laranja)

Kristín sá um eftirréttinn þegar Lissabonfarar borðuðu saman „Þessi kaka er svoooo fljótleg og svoooo góð þegar skella á í eina með kaffinu í snatri, segir Kristín Finnbogadóttir, sem skellti í eina appelsínuköku. Ekki er óalgengt að finna þessa á helstu hverfiskaffihúsunum í Portúgal sem og í heimahúsum ef maður droppar inn í síðdegiskaffi. Ég komst fljótt upp á lagið að henda í eina svona þegar ég bjó í Portúgal þegar þurfti að eiga eitthvað sætt með kaffinu ef gesti bar að garði.”
Hér kemur hin einfalda upprunalega uppskrift en það má gjarnan leika sér með hana og minnka hveiti og bæta við möndlumjöli eða eitthvað annað.

APPELSÍNUKÖKURPORTÚGAL

.

Appelsínukaka (Bolo de Laranja)

Raspaður börkur af 1 appelsínu
safi úr 2 appelsínum
4 egg
1 bolli olía
2 bollar sykur
2 bollar hveiti
1 msk lyftiduft

Sykurlögur:

safi úr 1 appelsínu
2 msk sykur

Blandið öllum hráefnum nema hveiti og lyftidufti og hrærið vel í hrærivél þar til blandan verður létt og ljós. Blandið hveiti og lyftidufti varlega saman við þannig að deigið sé vel fljótandi. Setjið deigið í vel smurt, djúpt hringform (eins og á mynd) og bakið í ofni við 180°C í u.þ.b. 40-45 mínútur eða þar til hægt er að stinga í það með prjóni og hann kemur hreinn út.

Blandið saman appelsínusafa og sykri (þannig að sykurinn leysist upp) og hellið yfir kökuna um leið og hún kemur úr ofninum.

.

APPELSÍNUKÖKURPORTÚGAL

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.