Koníaks-rabarbarahlaup
Þessa uppskrift fékk Nanna Þóra Áskelsdóttir þegar hún bjó í Vestmannaeyjum um aldamótin. Síðan þá hefur hún gert þetta ilmandi og fallega rabarbarahlaup ár eftir ár og segir það aldrei bregðast. Til að fá kristaltæran og glæsilegan lit síar hún safann þrisvar sinnum í gegnum sigti áður en hlaupinu er komið fyrir í krukkum.
Úr verður djúprautt og gljáandi hlaup með mildu rabarbarabragði og örlitlum keim af koníaki sem gefur því sérstakan karakter. Það er einstaklega gott með ostum, hvort sem um er að ræða bragðmikla harða osta, rjómaosta eða ostabakka við hátíðleg tækifæri. Einnig er dásamlegt að bera það fram með nýbökuðu brauði eða kexi.
Þetta er uppskrift sem hefur staðist tímans tönn og minnir á þá ánægju sem felst í að varðveita bragð sumarsins í fallegum krukkum.
— RABARBARI – HLAUP – KONÍAK – VESTMANNAEYJAR –
.
Koníaks-rabarbarahlaup
3,5 kg rabarbari, brytjaður
1,5 lítrar vatn
Melatín (gult), 2–2½ pk. (eftir því hversu mikið af safa fæst)
2 kg sykur
8 msk koníak
Setjið rabarbarann og vatnið í pott.
Sjóðið saman og látið malla þar til rabarbarinn er mjúkur.
Sigtið og mælið safann. Úr þessu eiga að fást um 2,5 lítrar af safa.
Bætið Melatíni út í safann samkvæmt leiðbeiningum á umbúðum (um 2–2½ pakka fyrir þetta magn).
Hrærið sykrinum saman við og sjóðið í 2 mínútur.
Takið pottinn af hellunni.
Hrærið 8 matskeiðum af koníaki saman við.
Hellið hlaupinu í hreinar krukkur og lokið þeim strax.
Setjið í krukkur.
Fleira áhugavert:
— Bakstur – Fiskréttir – Kartöflur — Salöt — Morgunmatur — Ostakökur — Kartöflur — Salöt — Kryddbrauð — Skyrtertur –