Færeyski rabarbararétturinn
Ásu Berglindi kynntist ég í Listaháskóla Íslands þegar ég vann þar og hún stundaði nám við Tónlistardeildina. Hún vakti strax athygli fyrir það hversu blátt áfram hún var, flink í samskiptum, þrælklár og ósérhlífin. Hún lætur verkin tala. Það kom mér því ekki á óvart þegar hún síðar fór á þing, enda hefur hún verið öflug á mörgum sviðum samfélagsins síðan þá.
Ása Berglind fór nýlega á fund Vestnorræna ráðsins í Færeyjum og fékk þar tvisvar sinnum þennan dásamlega rabarbaraeftirrétt. Þetta er klassískur færeyskur rabarbararéttur – silkimjúk rabarbarakompott, þeyttur rjómi og stökkur haframjölsmulningur. Einfalt, en ómótstæðilega gott.
Við smökkuðum réttinn saman yfir kaffibolla og vorum sammála um að þetta væri algjört sælgæti. Maður veltir því eiginlega fyrir sér hvort svona rabarbaraeftirréttur ætti ekki að vera þjóðarréttur hér á Íslandi, í þessari sannkölluðu rabarbaraparadís.
— RABARBARI – FÆREYJAR – EFTIRRÉTTIR – MULNINGUR – ÞORLÁKSHÖFN –
.
Færeyski rabarbararétturinn
600 g rabarbari í 2–3 cm bitum
120 g sykur
1 vanillustöng eða 1 tsk vanillumauk
3 msk vatn.
Sjóðið mjög varlega í 12-15 mínútur. Markmiðið er að um helmingur bitanna haldi lögun sinni. Kælið alveg.
Rjómalag
500 ml rjómi
1–2 msk flórsykur
1 tsk vanilla
Þeytið aðeins minna en venjulegan kökurjóma; hann á að vera mjúkur og silkikenndur.
Kexmulningur
75 g haframjöl
75 g hveiti
75 g púðursykur
75 g kalt smjör
örlítið salt
Myljið saman, bakið við 180°C í 12–15 mínútur þar til gullið og kælið.
Samsetning
Setjið í skál:
Rabarbarakompottu.
Þykkt lag af rjóma.
Crumble ofan á rétt áður en borið er fram.
Fleira áhugavert:
— Steiktur fiskur í brúnni sósu — Bláberjaterta, bærilega góð hráterta — Nautakjötssalat með límónu og engifersósu — Heill kjúklingur í ofni – safaríkur og með stökkri húð — Geitfjársetur á Háafelli –