Hummus – heimalagaður hummús er mjög góður

Hummus – heimalagaður hummús er mjög góður Hummus kjúklingabaunir hvítlaukur húmmús olía gott á brauð kex
Hummús

Hummús

Fátt er betra ofan á (pítu)brauð og kex en hummus, sérstaklega fyrir þá sem elska hvítlauk. Oftar en ekki nota ég mun meira af hvítlauk en stendur í uppskriftinni. Ágætt er að hafa í huga að hummmús geymist ekkert sérstaklega vel, því er betra að útbúa minna magn í einu. Til að auka fjölbreytinina má útbúa hummus t.d. með sætum kartöflum, gulrótum, sólþurrkuðum tómötum, engifer og sítrónu, basil, karrý og grasker, avokadó, spínat, zucchini…. Það er meira að segja til hummmus blogg síða.

.

HUMMÚS

.

Hummus

1 ds. soðnar kjúklingabaunir
2 msk tahini
2 hvítlauksrif
1/2 tsk salt
pipar
chili
safi úr 1 1/2 sítrónu
1 dl góð olía

Hellið mesta safanum af kjúklingabaununum og setjið þær í matvinnsluvél ásamt tahini, hvítlauk, salti, pipar, chili, sítrónusafa og matarolíu. Maukið vel. Notið safa af baununum til að þynna, ef þarf.

Svo er mjög gott að setja rauðlauk og vel af steinselju í hummúsina.

.

HUMMÚS

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.