Sítrónukjúklingur Gissurar Páls

sítrónukjúklingur, sítróna, kjúlli, Sætabrauðsdrengirnir í Sjólyst á Fáskrúðsfirði. Bergþór, Viðar, Jóhann, Gissur Páll og Garðar Thór Sætabrauðsdrengirnir, pollo al limone Gissur Páll Ítalía ítalskur miðjarðarhafið Sjólyst Fáskrúðsfjörður gunnar þorsteinn
Sítrónukjúklingur Gissurar Páls

Sítrónukjúklingur Gissurar Páls

Það er eins með Gissur Pál og aðra óperusöngvara sem ég þekki, hann hefur mjög mikinn áhuga á mat. Bæði er áhuginn á matargerðinni og ekki síður að borða góðan mat. Þennan ítalska kjúklingarétt galdraði hann fram á dögunum. Kjúllinn vakti mikla lukku enda ljúffengur svo ekki sé nú meira sagt. Fuglinn var eldaður í eldgömlum Rafha ofni sem ekki er með blæstri, að sögn meistarakokksins bragðaðist hann betur en áður. Sítrónukjúklingur eða pollo al limone er algengur ítalskur réttur, en þar sem Gissur Páll heitir Páll, getum við kallað hann Pollo al Paolo. Með kjúklingnum var borið fram afar ljúft tómatasalat.

🇮🇹

— KJÚKLINGURSÍTRÓNURÍTALÍAGISSUR PÁLL —

.

Sítrónukjúklingur. Upplagt að nota það grænmeti sem er til í ísskápnum og vel af því.

Sítrónukjúklingur Gissurar Páls

2 vænir kjúklingar

7 sítrónur, skornar í grófa bita

5 greinar timían

salt og svartur nýmalaður pipar (vel af piparnum)

Skolið kjúklinginn í köldu vatni og þerrið með pappír. Stráið pipar og salti inn í hann, kreystið sítrónurnar í lófanum þannig að safinn renni inn í kjúklinginn og látið að því loknu sítrónubitana inn í hann. Setjið timíanið bæði inn í fuglinn og líka ofan á hann. Saltið og piprið. Eldið í 170°C heitum ofni í um klst. Þegar kjúklingurinn hefur verið í ofninum í um 15 mín. bætið þá við kartöflum sem skornar hafa verið í munn bita, eftir annað korter er ágætt að bæta við sætum kartöflum og etv fleiru.

Sætabrauðsdrengirnir í Sjólyst á Fáskrúðsfirði. Bergþór, Viðar, Jóhann, Gissur Páll og Garðar Thór.

 

🇮🇹

— KJÚKLINGURSÍTRÓNURÍTALÍAGISSUR PÁLL —

— SÍTRÓNUKJÚKLINGUR GISSURAR PÁLS —

🇮🇹

Auglýsing

Meira úr sama flokki

Rauðvínsterta með hvítum súkkulaðihjúp

Rauðvínsterta með hvítum súkkulaðihjúp. Gestabloggarinn Rannveig Fríða Bragadóttir óperusöngkona og eiginmaður hennar Arnold Postl buðu fjölskyldunni í sunnudagshádegismat eins og kom fram hér ekki fyrir löngu. Í eftirrétt var þessi rauðvínsterta með hvítum súkkulaðihjúp :)

Hábítur í Perlunni – Út í bláinn

Út í bláinn í Perlunni. Efstu hæð Perlunnar í Reykjavík hefur verið breytt mikið, matsölustaðurinn Út í bláinn er sunnan megin og Kaffitár er norðan megin. Já og gólfið snýst núna aðeins á kvöldin. Við skelltum okkur í vel útilátinn hábít í Perlunni á nýja veitingastaðinn Út í bláinn. Hábítur er brunch, eða hádegismatur og árbítur í einu orði.