Saltfiskbuff

Alltaf er nú blessaður saltfiskurinn bragðgóður. Stundum er útvatnaður saltfiskur svo vel útvatnaður að næstum því þarf salta hann… Þessi uppskrift kemur úr Karabíska hafinu. Gott er að hafa vænan slurk af grænu salati með og etv hrísgrjón líka.

— SALTFISKUR — BUFF —

Saltfiskbuff

500 g saltfiskur

1-2 kartöflur, soðnar

1/2 laukur, saxaður fínt

2 tsk timian

1 1/2 tsk kóríander

2 hvítlauksrif, söxuð fínt

1 egg

4 msk heilhveiti (tvær í deigið og tvær til að velta upp úr fyrir steikingu)

pipar

olía til steikingar.

Saxið fiskinn og kartöflurnar frekar fínt og setjið í skál. Bætið við lauk timian, kóíander, hvítlauk eggi og helmingnum af heilhveitinu. Mótið kökur, veltið þeim upp úr heilhveiti og steikið við ekki of mikinn hita, í dágóða stund, í olíu á pönnu. Berið fram með hrísgrjónum og vænum skammti af góðu grænu salati.

— SALTFISKUR — BUFF —

— SALTFISKBUFF —