Döðluhjónabandssæla. Á ferð Sætabrauðsdrengjanna vestur á firði var endalaust verið að bjóða í kaffi enda afar gaman að gefa piltunum að borða. Bjarney Ingibjörg á Ísafirði bauð í morgunkaffi og þar var meðal annars þessi undurgóða döðluhjónabandssæla: „Það var yndislegt að fá ykkur í heimsókn, gott að hlæja og fá verk í magann. Sé á fbókinni að ykkur hefur allstaðar verið vel tekið og væri hissa ef svo væri ekki.
Uppskriftin af kökunni er stæld og stolin hjónabandssælu uppskrift frá ömmu. Njótið vel.“
— BJARNEY INGIBJÖRG — HJÓNABANDSSÆLUR — ÍSAFJÖRÐUR —
Döðluhjónabandssæla
Botninn:
1 bolli spelt
1 bolli íslenskt byggmjöl
3 msk hrásykur eða púðusykur ( gefur svona karamellubragð)
sletta af mable sírópi ca: 1matsk
200 g lint smjör
1 tsk vínsteinslyftiduft eða venjulegt lyftiduft
1 tsk vanilla
Öllu blandað saman, hnoðarinn notaður í hrærivélinni.
Döðlumauk:
20 stk döðlur
vatn
1 tsk matarsódi.
Setjið döðlurnar í pott og látið vatn fljóta yfir. Hitið að suðu og þá lækkið hitann og látið malla. Gott er nota písk til að finna hvort döðlurnar eru orðnar mjúkar. Bætið matarsódanum út í áður en maukið er tekið af hitanum. Það er mjög misjafnt hvað þarf að sjóða döðlurnar lengi, en þegar þær verða auðveldlega að mauki þá eru þær tilbúnar.
Ég læt þær malla á meðan ég geri sjálft deigið.
Setjið 3/4 af deiginu í bökuform, smyrjið döðlumaukinu á botninn og stráið restinni af deginu yfir.
Bakið við 200°C í 30 ti 40 mínútur eða þangað til kakan er orðin gullin.
Borin fram volg með ís eða rjóma eru hún himnesk.
Bon apetit
— BJARNEY INGIBJÖRG — HJÓNABANDSSÆLUR — ÍSAFJÖRÐUR —
.
.
