Hátíðleg humarsúpa

Hátíðleg humarsúpa humar súpa Gunnar Bjarnason Helena steinarsdóttir forréttur jólasúpa forréttur á jólum humar
Hátíðleg humarsúpa

Hátíðleg humarsúpa

Gunnar og Helena buðu nokkrum vinum sínum í matarboð og í forrétt buðu þau upp á þessa hátíðlegu humarsúpu. Súpan er löguð frá grunni og tók rúman sólarhring að útbúa hana. Gunnar nostraði fyrst við humarsoðið og síðar við súpuna og útkoman var hreint út sagt stórkostleg.

GUNNAR BJARNASONHUMAR — SÚPUR

.

Hátíðleg humarsúpa

500 g humar í skel
fiskikraftur (ca 4 teningar)
3 gulrætur
2 hvítlauksrif
hvítur pipar
2 sellerístilkar
steinseljustönglar
½ sítróna
10 svört piparkorn
2 msk tómatpuré
1 kjúklingakraftur
2,5 ltr vatn
1 laukur
1 paprika
Þeyttur rjómi

Skelflettið humarinn og setjið humarinn (kjötið) til hliðar.
Kryddið humarskeljarnar með smá paprikukryddi og bakið í ofni við 200°C í ca 20 mín,
Skerið grænmetið gróft niður og steikið í pottinum

Bætið vatni og skeljunum útí. Kreistið sítrónusafann saman við og sjóðið sítrónuna með.
Látið malla í minnst 3 tíma en ég byrja yfirleitt á því daginn áður, sýð í tvo tíma og læt það standa í pottinum yfir nótt og held svo áfram að sjóða í 2-3 tíma í viðbót.
Sigtið frá og geymið.

Þykkið með smjörbollu, smakkið til með salti, pipar, rjóma og fiskikrafti.
1-2 humarhalar settir í skál, súpunni bætt útí og allt látið bíða í nokkrar mín.

Þeyttur rjómi og steinselja sett til skrauts.

Gunnar Albert
Albert, Guðrún, Herdís, Helena, Jakob, Bergþór og Gunnar
Albert, Guðrún, Herdís, Helena, Jakob, Bergþór og Gunnar.

— HÁTÍÐLEG HUMARSÚPA —

Auglýsing

Meira úr sama flokki

Pekanhafrakökur

Pekanhafrakökur IMG_2133Hafrakökur DSC01428

Pekanhafrakökur - glútenlausar. Það er nú ánægjulegt að geta fengið sér eina og eina köku með kaffibollanum og með góðri samvisku. Þær eru sem sagt mjög hollar og afar bragðgóðar. Sjálfur vil ég ekki hafa henturnar of fínt saxaðar, en það er nú smekksatriði eins og svo margt annað.

Gulrótasúpa með eplum og engifer

Gulrótasúpa

Gulrótasúpa með eplum og engifer. Skiptir ekki oft máli að maturinn sé fallegur á litinn? Þessi súpa er bæði bragðgóð og fögur á litinn. Ef til vill finnst einhverjum of mikið að hafa tvær matskeiðar af engifer, auðvitað er ekkert heilagt í þessum efnum frekar en svo mörgum öðrum. Eplið gefur sætan keim á móti hvítlauknum og engiferinu.