Kaffitár í Perlunni. Efstu hæð Perlunnar hefur verið breytt verulega. Öðru megin er veitingastaðurinn Út í bláinn og hinu megin kaffihús Kaffitárs. Staðsetningin er hin besta og útsýnið gerist ekki betra. Við förum þarna reglulega. Núna vorum við að koma úr Perlunni, fórum þangað með tengdó og barnabörnin. Fengum okkur kaffi og með því. Þarna er rúmgott, bjart, skemmtilega lifandi erill og í alla staði notalegt. Við fengum að vita að allar kökur og allt kaffimeðlæti er bakað hjá Kaffitári, þar er meira að segja croissantið er gert frá grunni – gaman að segja frá því. Svo gleðst ég alltaf þegar gert er ráð fyrir grænmetisætum, veganistum og fólki sem illa þolir glútein.
Útsýnið frá efstu hæð Perlunnar er einstakt
Það eru gamlar fréttir og nýjar að súkkulaðitertur heilla ungdóminn. Marsibil fannst tertan betri en Ólafur var ánægðari með kremið 🙂
Sítrónuostakaka
Gulrótaterta
Páll spjallar við langafabörnin, hann nýtir hvert tækifæri til að fræða þau og fræðast af þeim
