Irish Coffee – myndband

Skóbót - syndsamlega góð terta. Á Fasbók er hópur sem heitir Skemmtileg íslensk orð. Um daginn var spurt hvort fólk kannaðist við Skóbót sem nafn á púðursykursmarengs, en hún er alþekkt í Vestmannaeyjum. Margir könnuðust við hana, flestir úr Vestmannaeyjum og uppskriftir voru birtar. Við stóðumst ekki mátið og prófuðum Skóbótina. Hún hvarf svo eins og dögg fyrir sólu!

Ítalskt tómatasalat. Hollt og gott tómatasalat eins og þetta passar með flestum réttum, já ef ekki bara öllum. Það er ágætt að láta salatið standa í um klukkustund áður en það er borið fram.

Döðlustykki. Með kaffinu í eftirminnilegri heimsókn í Menningarhúsið Berg á Dalvík fengum við döðlustykki með kaffinu hjá heiðurshjónunum Grétu og Júlla. Óskaplega bragðgóður og mjúkur heilsubiti.

Súkkulaðijólatré frá Fríðu súkkulaðihúsi. Á Siglufirði rekur Fríða Gylfadóttir fyrirmyndar súkkulaðihús og þar má fá allskonar handgert súkkulaði í ýmsum útgáfum. Á dögunum fékk ég þessi fallegu súkkulaðijólatré sem til stendur að geyma til jóla en svona ykkur að segja þá braut ég af og smakkaði - hrikalega gott. Þið getið sent Fríðu skilaboð ef ykkur langar í fallegt og bragðgott súkkulaðijólatré