Ostasalat
Kosturinn við góð salöt er að þau má undirbúa með fyrirvara – og oft verða þau jafnvel betri eftir að hafa fengið að standa í ísskápnum í smá tíma.
Þetta ostasalat er eitt af þeim allra bestu sem ég hef smakkað. Uppskriftin kemur frá handverkskonum í Stykkishólmi og hefur lengi verið í miklu uppáhaldi – bæði í veislum, saumaklúbbum og með góðu brauði eða kexi.
Salatið er bragðmikið, ferskt og skemmtilega ólíkt klassískum ostasalötum, ekki síst vegna ananassins og vínberjanna sem gefa sætan og safaríkan keim.
— STYKKISHÓLMUR — OSTASALÖT — HANDVERK — SALÖT — ANANAS —
.
Ostasalat
1 dós sýrður rjómi
1 lítil dós ananaskurl (án safa)
Karrý eftir smekk
Blandið saman:
1 mexíkóostur
1 pepperoni ostur
1/3 blaðlaukur
1 rauð paprika
Vínber (eftir smekk).
Hrærið saman sýrðum rjóma, ananaskurli og karrý og smakkið til.
Skerið ost, papriku, blaðlauk og vínber í litla bita.
Blandið öllu varlega saman.
Setjið í kæli í að minnsta kosti 1 klukkustund áður en borið er fram.
Best er að leyfa salatinu að standa aðeins – þá nær bragðið að þróast og það verður enn betra.
Gott er að bera ostasalatið fram með nýbökuðu brauði, snittubrauði eða kexi. Það hentar líka einstaklega vel á hlaðborð og í veislur.
☕️
— STYKKISHÓLMUR — OSTASALÖT — HANDVERK — SALÖT — ANANAS —
☕️