Andri Rafn og Íris Eva buðu í grillveislu á dögunum. Þegar ég spurði Andra hvað sé vert að hafa í huga þegar fólk er að grilla stóð ekki á svarinu: Það er mjög mikilvægt þegar grilluð er steik af þessu tagi, að grillarinn VERÐUR að passa uppá vökvabúskapinn og fá sér einn bjór með
– ÍRIS EVA — HUMAR – NAUTAKJÖT — GRILL — BERNAISE — BLÓMKÁL — SKYR —
🦞
Grillaður humarGrillaður humar. Klippið humarinn að ofan, hreinsið og leggið í bakka. Bræðið 50 g af smjöri í potti og bætið við 1 msk af fínt söxuðum hvítlauk og einni lúku af fínt saxaðri steinselju. Penslið humarinn í bakkanum bæði áður en hann fer á grillið og líka á meðan hann grillast. Grillið í nokkrar mín (ca 6 mín)
Kjötið fékk ég vakumpakkað frá Kjötkompaníi, Ribeye steik með Black Garlic maríneringu. Ég hafði það í Sous Vide á 57°C í 14 tíma. Svo var það tekið úr pokanum og skellt á funheitt grill í nokkrar mínútur til að fá fallega áfrerð á kjötið.
Ofnbakað blómkál. Skerið blómkálið í bita, sjóðið í 15 mín og raðið í eldfast mót og saltið ríkulega. Bakið í ofni við 150°C í um klukkutíma.
Bernaise sósan var c.a svona. 1 kg af smjöri á móti 10 eggjarauðum. Rauðurnar pískaðar saman þangað til þær eru orðnar léttar og svo er smjörið brætt rólega. 2 teningum af kjötkrafti er bætt útí og blandað vel saman. Því næst er smjörið látið standa í smá stund til að kæla það niður. Svo er smjörinu hellt í könnu með góðum stút svo hægt sé að hella rólega í jafnri bunu út í rauðurnar…
Pískað vel saman á meðan svo sósan skilj sig ekki… þegar öllu hefur verið hrært saman er góðri teskeið af bernaise essance hrært saman við og piprað og saltað eftir þörfum… og að sjálfssögðu estragon bætt við
Mexíkódeblur Steinunnar. Og kartöflurnar… Stórar bökunarkartöflur settar í pott og soðnar þangað til mjúkar. Þá eru þær teknar úr pottinum og kældar aðeins. Þá er toppurinn skorinn af og skóflað úr með teskeið í skál. Mexíkó ostur skorinn niður í fína strimla og settur ofaní kartöfluna. Innihaldinu sem var í skálinni er hrært saman með salt og pipar og sett ofaní kartöfluna aftur ásamt ostinum. Toppað með strimlum af mexíkó osti. Þessar kartöflur eru frá Steinunni vinkonu okkar frá Grenivík
Skyreftirréttur með kaffibotni
Íris Eva sá um eftirréttinn. Við erum orðin frekar vön að nota Lu kex og smjör í botninn en trúið mér þessi botn er miklu betri og mýkri með kaffinu. Hentar vel þegar eftirréttur eins og þessi er borinn fram í glösum
Skyreftirréttur með kaffibotni
Botn:
1 dl heitt kaffi
5-7 Lu kex kökur
Setjið kaffið í skál og myljið kexið útí. Bætið við kexi til að þykkja blönduna ef þarf.
Setjið í botn á glösum/ílátum (1cm) og láta kólna.
Skyrfylling:
250 ml Kea vanilluskyr
250 ml rjómi
léttþeytið rjómann og blandið skyrinu útí. Setjið ofaná botninn í glösin. Kælið. Skreytið með fínskornum jarðaberjum og saxað suðursúkkulaði.
🦞
– ÍRIS EVA — HUMAR – NAUTAKJÖT — GRILL — BERNAISE — BLÓMKÁL — SKYR —
— GRILLVEISLA HJÁ ANDRA OG ÍRISI —
🦞
.
