Mikil teframleiðsla er í fjöllunum í Kerala. Við tíndum telauf og fengum að fylgjast með framleiðsluferlinu
Einstaka Indland
Við brugðum okkur til Kerala héraðs í Suður – Indlandi og nutum til fullnustu. Indland er bæði gríðarstórt, fjölbreytt og fjölmennt. Örstutt samantekt á upplifun okkar mundi hljóma svona: elskulegt og brosandi fólk, kurteisi, þolinmæði, drýpur smjör af hverju strái, óskiljanleg umferðarmenning (sem svínvirkar), rakt loft, sól, safaríkir ávextir, ferskt grænmeti og góður matur
Albert, Þóra og Bergþór við Secret Garden hótelið, Leynilundur upp á íslensku. Mynd: Ylfa Eysteinsdóttir
Dvöldum í góðu yfirlæti hjá Þóru Guðmundsdóttur á Secret Garden hóteli hennar í Kerala. Þóra er með úrvalsstarfsfólk og maturinn á hótelinu var svo góður að við fórum mjög sjaldan út að borða.
Skálað í Toddy
Toddy drykkur gerður úr safa sem kemur úr fræbelgjum kókostrjánna. Safinn er látinn gerjast lítið eitt (í um tólf tíma) og bragðið minnir á blöndu af mysu og sætu freyðivíni. Í MYNDBANDINU má sjá hvernig safinn er tekinn
Albert og Nimi
Uppi í fjöllunum í Munnar fórum til á matreiðslunámskeið til Nimi Sunil Kumarsem hefur gefið út nokkrar verðlaunamatreiðslubækur. Þar elduðum við fisk í karrý, rauðrófurétt og annan úr papaya. Mjög skemmtilegt og fróðlegt námskeið.
Að afloknu námskeiðinu var maturinn snæddur. F.v. Karen Erla, Bergþór, Þóra og AlbertÞetta er það sem við útbjuggum á námskeiðinu. Lengst til vinstri er rauðrófuréttur, þetta gula er papayaréttur og í miðjunni er karrýfiskréttur. Með þessu var borið fram pappadam kökur og hrísgrjónVíða á götum úti eru seldar ferskar kókoshnetur, þær eru tilhöggnar og síðan er drukkið úr með röri, papparöri því plast er bannað
Ískaffi er svalandi og bragðgottGrænmetis biryaniHádegismaturinn á bananalaufi. Sadhya er alltaf borið fram á bananalaufi og einkum á sérstökum hátíðisdögum “ Onam” sem eru í sptember.Payasam jaggary desert. Bananarétturinn fylgir með pazham þýðir banani.Hluti starfsfólksins á Secret Garden
Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.
Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.
Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.
