Sögurölt um Húsafell. Við fórum í sögurölt með Ingibjörgu Kristleifsdóttur, sem alin er upp á Húsafelli, dóttir frumkvöðlanna Sigrúnar og Kristleifs á Húsafelli. Þetta er mjög auðvelt rölt, frá hótelinu upp að bænum, en margt ber á góma. Ingibjörg er fædd skemmtikraftur og mátulega óskammfeilin, svo að við hlógum okkur máttlausa að lifandi frásögninni.
Við fræddumst um Snorra, kvíahelluna, draugaréttina, frumkvöðlastarf foreldra hennar, en þau voru fyrstu ferðaþjónustubændur á landinu (og hlógu ýmsir að þeim á sínum tíma), kirkjuna og listaverkin hans Páls á Húsafelli, rafstöðvar sem reistar eru af fjórum ættliðum á Húsafelli, en sú síðasta skilar 1100 kW af raforku. Þá fengum við að vita um þátt húsfreyjanna „af því það er alltaf verið að tala um kallana“, sagði Ingibjörg og skellihló. Og margt fleira skemmtilegt.
Mælum hiklaust með söguröltinu, en það verður í boði flesta laugardaga í sumar og hægt að panta þess utan í gegnum afþreyingamiðstöðina eða hótelið. Hámark 25 manns. – SÖGURÖLT —
— GILJABÖÐIN — HÚSAFELL — FERÐAST UM ÍSLAND — VIRKJANIR Á HÚSAFELLI —
Við ferðaþríeykið viljum gjarnan heyra frá ferðaþjónustufólki
