Fiskisalat – einfalt, fljótlegt og hollt
Kínóa er einstaklega hollt og næringarríkt hráefni sem hefur fest sig í sessi í heilsuvænni matargerð. Það er bæði trefja- og próteinríkt og inniheldur allar níu lífsnauðsynlegu amínósýrurnar sem líkaminn getur ekki myndað sjálfur. Þar að auki er kínóa góð uppspretta B- og E-vítamína, auk mikilvægra steinefna á borð við járn, magnesíum og sink.
Þegar kínóa er parað saman við fisk fæst létt, mettandi og afar vel samsett máltíð. Fiskisalatið er því frábær kostur, það er fljótlegt í undirbúningi, auðvelt að laga að því sem til er í ísskápnum og hentar jafnt í hádeginu sem léttan kvöldverð.
— FISKUR — FISKUR Í OFNI — – SALÖT — FISKSALÖT — KÍNÓA —
.
Fiskisalat – einfalt, fljótlegt og hollt
100-200 g soðinn þorskur (eða annar soðinn fiskur)
1 b soðið kínóa
1/2-1 b léttsoðið grænmeti, t.d. spergilkál, gulrætur og blaðlaukur
2-3 msk mæjónes (ef þið eruð í stuði er uppskrift hér að neðan)
Blandið öllu saman og kryddið með smá chili, salti og pipar.
Mæjónes
2 eggjarauður
1/3 tsk Dijon sinnep
2 dl (virgin)ólífuolía
1 tsk sítrónusafi
1 msk edik
salt (og pipar)
Setjið eggarauður í matvinnsluvél, hellið olíunni smám saman út og hafið vélina í gangi allan tímann. Bætið við sinnepi, sítrónusafa, ediki og bragðbætið með salti (og pipar).
— FISKUR — FISKUR Í OFNI — SALÖT — FISKSALÖT — KÍNÓA —
*Viðtal við DV