Bresk heslihnetuterta
Bragðmikil og hátíðleg heslihnetuterta með súkkulaði og ristuðum heslihnetum
Þessi dásamlega breska heslihnetuterta er bragðmikil, með ristuðum heslihnetum og súkkulaði sem fara einstaklega vel saman. Ragnheiður Erla Bjarnadóttir kom með tertuna í afmæli frænku sinnar, Ragnheiðar Elínar Clausen, og vakti hún verðskuldaða athygli við kaffiborðið. Uppskriftin er upprunalega úr bókinni Foods of the World: England – The Cooking of the British Isles, en hefur verið löguð að íslenskum aðstæðum. Ragnheiður Erla keypti bókina fyrir meira en fjörutíu árum og hefur bakað þessa tertu aftur og aftur með góðum árangri.
— SÚKKULAÐITERTUR — HESLIHNETUR — ENGLAND — TERTUR — RAGNHEIÐUR ELÍN —
.
Bresk heslihnetukaka
Botn:
250 gr heslihnetur með hýði
200 gr suðusúkkulaði
100 gr hveiti
125 gr eða 1/2 lítið smjörstykki, lint, við stofuhita
200 gr sykur
1/2 tsk vanilludropar
7 egg: skilja að rauður og hvítur
Setjið heslihnetur í ofn við 150°C (blástur) í 20–30 mínútur þar til þær eru vel ristaðar. Látið kólna og nuddið hýðið af í viskastykki.
Malið 150–200 g af heslihnetunum fínt í matarvinnsluvél. Bætið súkkulaðinu út í og malið áfram þar til myndast þétt mauk.
Smyrjið smelluform (ca. 24 cm), setjið bökunarpappír í botn og stráið hveiti í formið.
Þeytið smjör og sykur létt og ljóst. Bætið vanilludropum út í.
Setjið eggjarauðurnar út í, eina í einu.
Bætið hveitinu út í og hrærið saman.
Blandið síðan súkkulaði-hnetumaukinu saman við.
Þeytið eggjahvíturnar stífar.
Hrærið ¼ af hvítunum ákveðið saman við deigið til að létta það.
Blandið restinni varlega saman við með sleif (ekki hræra of mikið).
Hellið deiginu í formið.
Bakið við 150–160°C (180–185°C án blásturs) í um 75 mínútur.
Látið kökuna kólna í forminu.
Krem
100 g flórsykur
4 msk kalt vatn
200 g suðusúkkulaði
2½ tsk sterkt kaffi
Setjið allt í pott og hitið við vægan hita þar til súkkulaðið er bráðið.
Hrærið vel saman og látið kólna í 10–15 mínútur þar til kremið þykknar aðeins.
Hellið yfir kökuna og leyfið að storkna.
Skreytið með afgangi af heslihnetum.
.
— SÚKKULAÐITERTUR — HESLIHNETUR — ENGLAND — TERTUR — RAGNHEIÐUR ELÍN —
.