Hveitikímkökur

Hveitikím er einn næringarríkasti hluti hveitikornsins og oft dálítið vanmetinn. Það er stútfullt af vítamínum, steinefnum, próteinum og trefjum og sérstaklega ríkt af E-vítamíni, sem er öflugt andoxunarefni. Þar að auki inniheldur það B-vítamín, járn, magnesíum og sink – allt næringarefni sem styðja við góða meltingu, sterkt ónæmiskerfi og heilbrigða húð.

Mér finnst hveitikím einstaklega skemmtilegt hráefni vegna þess hve auðvelt er að lauma því inn í daglegt fæði. Það fer vel í morgunkorn, jógúrt og alls kyns bakstur – og hér er ein einföld og bragðgóð leið til að nýta það: stökkar hveitikímkökur.

Auglýsing

Það er alveg tilvalið að leika sér aðeins með kryddin og setja sín uppáhalds í deigið – að minnsta kosti salt, en einnig má prófa kryddjurtir eða örlítið pipar. Kökunar eru frábærar með ostum, með ídýfum eða einfaldlega í staðinn fyrir brauð undir álegg. Best finnst mér að móta kökurnar með fingurgómunum og borðhníf – það gefur þeim skemmtilegt, heimilislegt yfirbragð.