Kínóasalat með lime
Það er nú meira hvað kínóa fer vel í maga — og ekki síður í munni. Þetta ferska og litríka salat er einfalt, hollt og bragðmikið, með góðu limebragði, kóríander, chili og stökkum grænmetisbitum. Kínóa er glútenlaust og því hentar salatið vel fyrir marga. Það er gott eitt og sér, sem léttur hádegisverður eða sem meðlæti með grilluðum réttum. Best er að leyfa því að standa í að minnsta kosti tvær klukkustundir áður en það er borið fram, svo bragðið nái að þroskast.
.
— KÍNÓA — SALÖT — GLÚTEINLAUST —
.
Kínóasalat með lime
2 b kínóa
4 b vatn
3–4 tómatar, skornir í báta
1 lítill rauðlaukur, saxaður
1/2 chili, saxað smátt
2 hvítlauksrif, söxuð
1/2 rauð paprika, söxuð
1/2 græn paprika, söxuð
safi úr 1 lime
rifinn börkur af 1 lime
1 tsk kúmín
1/2 b saxað kóríander
salt og pipar
Sjóðið kínóa í vatni í um 15 mínútur og látið kólna.
Blandið tómötum, rauðlauk, chili, hvítlauk, papriku, limesafa, limeberki, kúmíni og kóríander saman við.
Kryddið með salti og pipar.
Látið standa í að minnsta kosti 2 klukkustundir við stofuhita áður en salatið er borið fram.
.
— KÍNÓA — SALÖT — GLÚTEINLAUST —
.