Á Apótekinu er Michelin kokkurinn Oscar De Matos. Hann fæddist í Barselóna og ólst upp á Spáni og í Portúgal. Oscar hefur starfað í Sviss í yfir 20 ár og árið 2018 opnaði hann sinn eigin veitingastað, ásamt Nadine Baumgartner, og hlaut bæði Michelin stjörnu og viðurkenningu GaultMillau, eins virtasta matartímariti heims, þar sem hann hlaut eina hæstu einkunn sem tímaritið gefur.
Apótekið – Food & fun – Allt upp á tíu
Hin árlega matarhátíð Food & fun er hafin, hátíðin stækkar ár frá ári og aldrei hafa fleiri veitingastaðir tekið þátt.
Á Apótekinu er Michelin kokkurinn Oscar De Matos. Hann fæddist í Barcelóna og ólst upp á Spáni og í Portúgal en rekur nú sinn eigin stað í Sviss.
Kvöldið á Apótekinu var gjörsamlega fullkomið: Samsetningin, bragðið, maturinn, matreiðslan, þjónustan, stemningin og allt annað. Allt upp á TÍU plús. Þarna snæddi ég með Signýju og Svanhvíti og við vorum sammála um að þetta sé besta máltíð sem við höfum fengið hérlendis. TAKK, TAKK, TAKK 🙂 🙂 Drífið ykkur á Apótekið, bókanir fara fram í gegnum Dineout.
Betra líf með hollari mat og ráð frá Betu næringarfræðingi. Það gerist margt á einu ári. Á síðustu 12 mánuðum hef ég verið svo lánsamur að hitta Betu Reynis næringarfræðing reglulega og fara yfir mataræðið og horfa á heilsu mínu meira heildrænt. Það sem ég hef lært er að hitaeiningar og vigt segja ekki alla söguna. Beta hefur kennt mér að hlusta á líkamann og hvernig ákveðnar matarvenjur og hefðir hafa áhrif á heilsuna. Hún var með allskonar vangaveltur um áhrif frá æsku á matarhegðun og hvernig er hægt að leika á vanann sem virðist vera það erfiðasta af þessu öllu. Næsta skref er að fara í allsherjar heilsufarsmælingu og blóðprufu í Heilsuvernd. Það verður skrifað hér um hvað kemur út úr því og hvað gerist í framhaldinu.
Steinseljupestó. Alltaf er nú gaman að prófa nýjar útgáfur af pestói. Í pestói dagsins er uppistaðan basil og steinselja, kasjúnhetur og sólblómafræ. Steinseljan er meinholl, hún er uppfull af næringarefnum og þekkt fyrir mikið magn C vítamíns. Hún inniheldur hlutfallslega meira C vítamín en appelsínur. Allt er það vænt sem vel er grænt.
