Mexíkóskur kínóaréttur
Bragðmikill og einfaldur mexíkóskur kínóaréttur sem hentar bæði sem hollur kvöldmatur eða léttur hádegisverður. Rétturinn er vegan, próteinríkur og fullur af góðu hráefni eins og kínóa, nýrnabaunum, avókadó og lime. Tilvalið að útbúa stóran skammt því rétturinn er ekki síður góður daginn eftir.
Hollur matur getur verið bæði litríkur, saðsamur og bragðgóður.
— MEXÍKÓ — KÍNÓA — NÝRNABAUNIR — AVÓKADÓ —
.
Mexíkóskur kínóaréttur
1 b kínóa
1 msk ólífuolía
2 hvítlauksgeirar
1 chili (eða jalapeno)
1 ds niðursoðnir tómatar
1 b vatn
1 tsk cumin
salt + pipar
1 ds nýrnabaunir
1 ds maís
1 avókadó
safi úr einu lime
2 msk saxað kóríander.
Saxið hvítlauk og chili og léttsteikið í olíunni.
Bætið við kínóa, tómötum, vatni og kryddi og sjóðið í 20 mín.
Skolið nýrnabaunir og bætið við ásamt maísbaunum (ekki safanum).
Skerið niður avókadó og blandið saman við.
Kreistið lime yfir.
Stráið kóríander yfir.
Fleira áhugavert:
— Peruterta — Sumarlegt kjúklingasalat — Kanilsnúðar –- Draumaterta dásamlega góð – Heill kjúklingur í ofni, mjöööög góður – Vínartertan góða og fræga – Sælgætismolar — Ketómarengsterta með berjarjóma — Tómatsalsa — Marsípankaka með vínberjum —