Indo – Italian í Listhúsinu í Laugardal
Við stóðum á blístri eftir að hafa borðað á Indo – Indian í Listhúsinu í Laugardal í Reykjavík. Staðurinn kemur verulega á óvart, hvílíkur matur, fallega fram borinn, ljúffengur og vel útilátinn. Hér er lögð alúð í hvert smáatriði.
Hjónin Shijo Mathew og Helen Rose eiga Indo-Italian, þau eru bæði frá Kerala á Indlandi. Shijo og Helen hafa búið á Íslandi í 13 ár, tala ótrúlega góða íslensku og tóku á móti okkur brosandi út að eyrum eins og Kerala fólks er háttur. Shijo hefur unnið sem kokkur í yfir 20 ár og er jafnvígur á indverska og ítalska matargerð.
Matseðillinn samanstendur sem sagt af indverskum mat annarsvegar og ítölskum hins vegar, allt gott og gerir það að verkum að staðurinn er fjölskylduvænn, eitthvað við allra hæfi.
Í hádeginu (frá 11-14) er hlaðborð og seinnipartinn og fram á kvöld er hægt að panta af matseðli.
Allt til fyrirmyndar á Indo – Italian 🙂
— VEITINGA- OG KAFFIHÚS — ÍSLAND — INDLAND — ÍTALÍA — ÓLÖF KOLBRÚN —
.
Grillaður paneer tikka. Paneerostur marineraður í kryddaðri jógúrt með mintusósu
— VEITINGA- OG KAFFIHÚS — ÍSLAND — INDLAND — ÍTALÍA — ÓLÖF KOLBRÚN —
.
