Limeterta
Seint hætti ég að dásama hrátertur, þessi er með þeim betri. Frískandi og undurgóð 🍋🟩
— LIME — HRÁFÆÐI — HRÁTERTUR — TERTUR — KASJÚHNETUR —
🍋🟩
Limeterta
Botn:
1 bolli möndlur
1 bolli mjúkar döðlur
3 msk kókosolía
1/3 tsk sjávarsalt
Botn:
Setjið möndlur í matvinnsluvél og maukið gróft.
Bætið döðlum, kókosolíu og salti út í og blandið þar til deigið er klístrað og helst saman þegar því er þrýst saman með fingrum.
Þrýstið deiginu í botninn á smelluformi (um 20 cm þvermál) og setjið í ísskáp á meðan fyllingin er útbúin.
Fylling:
2 bollar kasjúhnetur
1/3 bolli hunang (eða minna)
1/3 bolli nýkreistur lime safi (ca. 4 lime)
1/3 bolli kókosolía (brædd)
1 msk rifinn lime börkur.
Aðferð við fyllingu:
Setjið öll innihaldsefnin í blandara og blandið þar til fyllingin verður silkimjúk. Þetta getur tekið smá stund, en það er þess virði að fá hana alveg slétta.
Hellið fyllingunni yfir botninn og sléttið úr yfirborðinu.
Setjið tertuna í ísskáp í að minnsta kosti 4 klst (eða yfir nótt) til að hún nái að stífna (taka sig).
Takið tertuna út um 10-15 mínútum áður en hún er borin fram.
Skreytið með lime sneiðum, rifnum lime berki eða jafnvel kókosflögum.
— LIME — HRÁFÆÐI — HRÁTERTUR — TERTUR — KASJÚHNETUR —
🍋🟩