Marsípankaka með vínberjum.
Hildigunnur er af mikilli matar- og tónlistarfjölskyldu komin. Stundum hef ég velt því fyrir mér hvort eitthvað komist annað að þegar fjölskyldan hittist en matur og tónlist 🙂 Hildigunnur birtir sínar uppskriftir hér
— FÖSTUDAGSKAFFI — VÍNBER —
.
Marsípankaka með vínberjum
200 g gott marsípan
75 g brætt smjör
2 egg
75 g hveiti
1/2 tsk. lyftiduft
200 g vínber (steinlaus eða steinhreinsuð)
Skerið marsípan í sneiðar og hrærið svo bræddu smjörinu saman við uns mjúkt. Hrærið eggin saman við og síðan hveiti og lyftiduft. Hellið hrærunni í smurt tertu eða bökuform (22-24 cm). Skerið vínberin í tvennt og dreifið þeim yfir. Bakið kökuna í 18-20 mínútur við 200°C. Gjarnan má strá flórsykri yfir kökuna áður en hún er borin fram.
Kakan er sérlega ljúffeng hvort heldur sem er heit eða köld. Ekki sakar svo að bera fram þeyttan rjóma eða ís með henni.
.
— FÖSTUDAGSKAFFI — VÍNBER —
— MARSIPANKAKA MEÐ VÍNBERJUM —
.
